Polıııa mıtıng kezindegi tártip buzý áreketterimen kúresýdi jalǵastyrady. Ishki ister mınıstri Erlan Turǵymbaev osylaı dep málimdedi, dep habarlaıdy Azattyq Rýhy Polisia.kz resýrsyna silteme jasap.
Qazaqstannyń birneshe qalasynda sankııalanbaǵan mıtıng ótkizý jáne oǵan qatysý áreketteri tirkelip otyr. Bas prokýratýranyń birneshe ret eskertkenine qaramastan keı azamattar elimizde tyıym salynǵan ekstremıstik uıymnyń urandaryna senip, alańǵa shyǵady. Olar kólik qozǵalysyna kedergi jasap, jolda kollaps týǵyzýǵa tyrysady. Tártiptiń saqtalýyn qadaǵalap júrgen qyzmetkerlerge kúsh kórsetedi.
«Munyń bári azamattardyń qaýipsizdigi men tynyshtyǵyna qaýip tóndiredi»,-dedi Erlan Turǵymbaev óńirlik polıııa departamentteri jáne qurylymdyq bólimshe basshylarymen ótken jıynda.
IIM basshysy sondaı-aq, Qazaqstan polıııasynyń basty mindeti – halyqtyń beıbit ómiri men tynyshtyǵyn qamtamasyz etý ekenin atap ótti.
«Polıııa úshin eń bastysy – qaýipsizdik pen qoǵamdyq tártip. Zańǵa qulaq asatyn azamattarǵa alańdaıtyn eshteńe joq. Biraq mıtıngke jumysqa barǵandaı baratyn keı azamattar alańdatady. Olar arandatýshylardyń yqpalynda, sondyqtan beıbitshilik pen turaqtylyq – bizdegi eń qundy nárse ekenin, ony barynsha baǵalaý kerektigin túsinbeıdi. Sol úshin polıııa aldaǵy ýaqytta da el qaýipsizdigi úshin qyzmet etpek. Qazaqstan halqynyń tynysh ári beıbit tirshiligin qorǵaý - bizdiń negizgi mindetimiz», - deıdi Ishki ister mınıstri.
Vedomstvo basshysynyń aıtýynsha, quqyq qorǵaý organdarynyń qyzmetkerleri qoǵamdyq tártipti buzý áreketine qarsy kúresti jalǵastyra bermek. Ol qaramaǵyndaǵy basshylarǵa polıııa qyzmetkerlerin zańǵa qaıshy, arandatýshylyq áreketterden qorǵaýdy tapsyrdy.
