Mınıstr áleýmettik jelidegi jalǵan aqparattarǵa senbeýdi surady

4120
Adyrna.kz Telegram

Áleýmettik jelilerde jáne WhatsApp messendjerinde koronavırýstyń taralýyna baılanysty tarap ketken  aqparatqa qatysty  Úkimette shuǵyl otyrys ótti.

WhatsApp messendjerinde «QR Densaýlyq saqtaý mınıstrligi QR-da koronavırýstyń taralýyn joqqa shyǵarmaıdy. Osyǵan oraı  oqýshylar men stýdentterdi demalysqa jiberý josparlanyp otyr. Qoǵamdyq kólikterge tekserý júrgizilip, barlyq qoǵamdyq is-sharalar alynyp tastalady jáne 2 naýryzdan bastap barlyq memlekettik organdar qatań tártipke kóshedi»,-degen habarlama taraǵan bolatyn.

Elimizdiń Densaýlyq saqtaý mınıstrligi «bul aqparat shyndyqqa sáıkes kelmeıdi» dep resmı habarlaıdy.

"QR Densaýlyq saqtaý mınıstrligi QR aýmaǵynda koronavırýstyq ınfekııanyń ákelinýi men taralýyna jol bermeý boıynsha barlyq qajetti sharalardy qabyldaıdy. Qurmetti azamattar, áleýmettik jelilerdegi jalǵan aqparattarǵa senbeýdi suraımyn. Tek resmı derekkózderge ǵana sený kerek. Barlyq naqty aqparatty Siz QR Densaýlyq saqtaý mınıstrliginiń, DSM taýarlar men qyzmetterdiń sapasyn baqylaý komıtetiniń resmı saıtynan jáne Densaýlyq saqtaý mınıstrliginiń Facebook jáne Taýarlar men qyzmetter qaýipsizdigi jáne sapasyn baqylaý komıtetinen bile ala alasyzdar", - dep habarlady atalmysh vedomstvo.

Pikirler