«Arnaý» etnografııalyq-folklorlyq ansambliniń Qurmanǵazy atyndaǵy Qazaq memlekettik akademııalyq halyq aspaptary orkestriniń qatysýmen elimizdiń 25 jyldyǵyna arnalǵan «Qazaq eli» atty shyǵarmashylyq keshi ótti.
Nurgúl Amantaıqyzy jetekshilik etetin «Arnaý» etnografııalyq-folklorlyq ansambli buǵan deıin shet elderde jáne elimizde birneshe baıqaýlarda úzdikter qatarynan kóringen. Atap aıtqanda, olar «Astana-Mereı» halyqaralyq baıqaýynda, «Asyl mura» qalalyq jáne «Ǵumyrdarııa» respýblıkalyq baıqaýlarynda, A.Zataevıch atyndaǵy II Respýblıkalyq jas mýzykanttar baıqaýynda bas júlde, Bolgarııada ótken VI halyqaralyq «Kún astyndaǵy bıbishilik» konkýrsynda birinshi oryn, halyqaralyq «Boztorǵaı» baıqaýynda birinshi oryn, N.Tilendıev atyndaǵy Respýblıkalyq baıqaýda birinshi oryn ıelengen. Ónerpazdar adyrna, jetigen, sazsyrnaı, shańqobyz, qobyz, dombyra, úsh shekti dombyra, shińkildek, daýylpaz syndy qazaqtyń baıyrǵy ulttyq aspaptaryn jetik meńgergen. Osyndaı aspaptardy úılestirip fonnogrammasyz konert qoıý úlken eńbekti jáne sheber oryndaýshylyqty qajet etedi. Mektep jasyndaǵy balalardyń osyndaı úlken konerttik baǵdarlamaǵa daıyn bolǵanyna tańdanysyn jasyrmaǵan kórermender, zal ishin qulaq tundyrar shapalaqpen kómkerdi. Eki saǵattan asa ýaqytqa sozylǵan konertte kúı de tartyldy, án de aıtyldy, bı de bılendi. Uzyn-sany jıyrma eki shyǵarma oryndaldy.
Qurmanǵazy atyndaǵy akademııalyq ult aspaptar orkestriniń jas órendermen birge óner kórsetkeni de talǵamy joǵary kórermendi erekshe sezimge bóledi. Bul oqıǵaǵa konert sońynda quttyqtaý sóz sóılep, baǵasyn bergen Qazaqstannyń eńbek sińirgen qaıratkeri, «Qurmet» ordeniniń ıegeri, Qazaqstan jazýshylar odaǵynyń múshesi Jarqyn Shákárim sózin bylaı túıindedi. «Qazaqtyń baǵa jetpes altyn murasy Qurmanǵazy atyndaǵy ult aspaptar orkestiriniń jas ónerpazdardy qanatynyń astyna alyp, birlesip óner kórsetýi, qazaq mádenıetinde buryn-sońdy bolmaǵan. Bul úlken jetistik! Al, mundaı demeý óskeleń jastarǵa jiger beredi» dep atap ótti. Sondaı-aq osy konertti uıymdastyrǵan «Arnaý» etnografııalyq-folklorlyq ansambliniń jetekshisi Nurgúl Amantaıqyzyna, R.Glıer atyndaǵy balalar mýzyka mektebiniń dırektory Alma Shahzadaqyzyna alǵys aıtty. Aldaǵy ýaqytta da jemisti eńbek etýge tilekshi ekenin bildirdi. Konert aıaqtalǵan tusta kórermender oryndarynan turǵysy kelmeı, taǵy bir kúı oryndap berýin surady. Kórermen kóńilin jyqpaǵan óner ujymy «Saryarqa» kúıin qaıtadan áýeletti.
Konertten soń Nurgúl Amantaıqyzymen az-kem tildesken edik. «Bul konertti el táýelsizdiginiń jıyrma bes jylyna tartý ettik. Shákirtterimniń tek baıqaýlarǵa ǵana qatysyp qoımaı, deńgeıleriniń ósip kele jatqandyǵyn sezinsin dep Qurmanǵazy atyndaǵy ult aspaptar orkestirimen birlese otyryp osy keshti uıymdastyrdyq. Osy kúnge sheıin birshama jetistikterge jettik. Biraq munymen toqtalyp qalýǵa bolmaıdy. Áli de sheberligimizdi shyńdaı túsemiz. Kelgen kórermenge myń alǵys, shákirtterimniń ónerge degen qulshynysyn eselep arttyrdy» - dep sózin aıaqtady.
Ulttyq aspaptardy ulyqtap, dástúrli án ónerin órge súırep, aspapta kúı oryndaýdy joǵary deńgeıge kóterip, uly ónerdi ulyqtaýǵa úles qosyp júrgen «Arnaý» etnografııalyq-folklorlyq ansambli urpaqqa úlgi bolmaq.
Jasulan NAÝRYZÁLI
