«Arnau» etnografiialyq-folklorlyq ansamblınıŋ Qūrmanǧazy atyndaǧy Qazaq memlekettık akademiialyq halyq aspaptary orkestrınıŋ qatysumen elımızdıŋ 25 jyldyǧyna arnalǧan «Qazaq elı» atty şyǧarmaşylyq keşı öttı.
Nūrgül Amantaiqyzy jetekşılık etetın «Arnau» etnografiialyq-folklorlyq ansamblı būǧan deiın şet elderde jäne elımızde bırneşe baiqaularda üzdıkter qatarynan körıngen. Atap aitqanda, olar «Astana-Merei» halyqaralyq baiqauynda, «Asyl mūra» qalalyq jäne «Ǧūmyrdariia» respublikalyq baiqaularynda, A.Zataevich atyndaǧy II Respublikalyq jas muzykanttar baiqauynda bas jülde, Bolgariiada ötken VI halyqaralyq «Kün astyndaǧy bibışılık» konkursynda bırınşı oryn, halyqaralyq «Boztorǧai» baiqauynda bırınşı oryn, N.Tılendiev atyndaǧy Respublikalyq baiqauda bırınşı oryn ielengen. Önerpazdar adyrna, jetıgen, sazsyrnai, şaŋqobyz, qobyz, dombyra, üş şektı dombyra, şıŋkıldek, dauylpaz syndy qazaqtyŋ baiyrǧy ūlttyq aspaptaryn jetık meŋgergen. Osyndai aspaptardy üilestırıp fonnogrammasyz konsert qoiu ülken eŋbektı jäne şeber oryndauşylyqty qajet etedı. Mektep jasyndaǧy balalardyŋ osyndai ülken konserttık baǧdarlamaǧa daiyn bolǧanyna taŋdanysyn jasyrmaǧan körermender, zal ışın qūlaq tūndyrar şapalaqpen kömkerdı. Ekı saǧattan asa uaqytqa sozylǧan konsertte küi de tartyldy, än de aityldy, bi de bilendı. Ūzyn-sany jiyrma ekı şyǧarma oryndaldy.
Qūrmanǧazy atyndaǧy akademiialyq ūlt aspaptar orkestrınıŋ jas örendermen bırge öner körsetkenı de talǧamy joǧary körermendı erekşe sezımge böledı. Būl oqiǧaǧa konsert soŋynda qūttyqtau söz söilep, baǧasyn bergen Qazaqstannyŋ eŋbek sıŋırgen qairatkerı, «Qūrmet» ordenınıŋ iegerı, Qazaqstan jazuşylar odaǧynyŋ müşesı Jarqyn Şäkärım sözın bylai tüiındedı. «Qazaqtyŋ baǧa jetpes altyn mūrasy Qūrmanǧazy atyndaǧy ūlt aspaptar orkestırınıŋ jas önerpazdardy qanatynyŋ astyna alyp, bırlesıp öner körsetuı, qazaq mädenietınde būryn-soŋdy bolmaǧan. Būl ülken jetıstık! Al, mūndai demeu öskeleŋ jastarǧa jıger beredı» dep atap öttı. Sondai-aq osy konserttı ūiymdastyrǧan «Arnau» etnografiialyq-folklorlyq ansamblınıŋ jetekşısı Nūrgül Amantaiqyzyna, R.Glier atyndaǧy balalar muzyka mektebınıŋ direktory Alma Şahzadaqyzyna alǧys aitty. Aldaǧy uaqytta da jemıstı eŋbek etuge tılekşı ekenın bıldırdı. Konsert aiaqtalǧan tūsta körermender oryndarynan tūrǧysy kelmei, taǧy bır küi oryndap beruın sūrady. Körermen köŋılın jyqpaǧan öner ūjymy «Saryarqa» küiın qaitadan äuelettı.
Konsertten soŋ Nūrgül Amantaiqyzymen az-kem tıldesken edık. «Būl konserttı el täuelsızdıgınıŋ jiyrma bes jylyna tartu ettık. Şäkırtterımnıŋ tek baiqaularǧa ǧana qatysyp qoimai, deŋgeilerınıŋ ösıp kele jatqandyǧyn sezınsın dep Qūrmanǧazy atyndaǧy ūlt aspaptar orkestırımen bırlese otyryp osy keştı ūiymdastyrdyq. Osy künge şeiın bırşama jetıstıkterge jettık. Bıraq mūnymen toqtalyp qaluǧa bolmaidy. Älı de şeberlıgımızdı şyŋdai tüsemız. Kelgen körermenge myŋ alǧys, şäkırtterımnıŋ önerge degen qūlşynysyn eselep arttyrdy» - dep sözın aiaqtady.
Ūlttyq aspaptardy ūlyqtap, dästürlı än önerın örge süirep, aspapta küi oryndaudy joǧary deŋgeige köterıp, ūly önerdı ūlyqtauǧa üles qosyp jürgen «Arnau» etnografiialyq-folklorlyq ansamblı ūrpaqqa ülgı bolmaq.
Jasūlan NAURYZÄLI
