Áleýmettik jeliden alynǵan sýret
Ishki ister mınıstri Erlan Turǵymbaev qarýmen qashyp ketken áskerı qyzmetker jaıly aıtty, - dep habarlaıdy Tengrinews.kz tilshisi.
"Kelisim-shartpen jumys isteıtin sarbaz qyzmet ornynan tapansha men avtomattar urlap, ketip qalǵan. Qazirgi ýaqytta ol ustaldy. Qarý-jaraqtardy tárkileý boıynsha tergeý sharalary júrip jatyr. Barlyq tergeý is-áreketteri aıaqtalǵannan keıin, sondaı-aq onyń sybaılastary, qarýlar qaıda jasyrylǵanyn jáne onyń qalaı alynǵany anyqtalǵannan keıin, aqparatty jeke beremiz. (...) Ázirge aıtarym bir, osy qarýlardan eshkim zardap shekken joq", - dedi mınıstr Senatta jýrnalısterdiń suraqtaryna jaýap bere otyryp.
Eske salaıyq, Túrkistan oblysynda sarbaz qarý-jaraq alyp, áskerden qashyp ketken. 20 aqpanǵa qaraǵan túni kishi serjant qyzmettik ornynan óz erkimen ketip qalǵan.
"Sol ýaqytta atys qarýynyń sany azaıǵany belgili boldy. Quqyq qorǵaý organdary men áskerı polıııa kúshimen áskerı qyzmetker men joǵalǵan qarýlardy izdeý jáne ustaý boıynsha shuǵyl sharalary júrip jatyr", - dedi vedomstvodaǵylar.
Tengrinews.kz oqyrmandary redakııanyń WhatsApp-nómirine jibergen málimet boıynsha, oqıǵa №10216 áskerı bóliminde bolǵan. Bul Shymkentten 30 shaqyrym jerdegi Badam aýyly.
Sol habarlamada 20 aqpanǵa qaraǵan túni kishi serjanttyń qyzmet ornyn óz erkimen tastap ketkeni aıtylady. Ol ózimen birge 30 Kalashnıkov avtomaty men 27 Makarov tapanshasyn jáne 429 oq-dári alyp ketken delinedi.
