Erlan Nurǵalıevti óltirgen úsh adam ómir boıy túrme jazasyna kesildi

4379
Adyrna.kz Telegram

Sot ınspektor Erlan Nurǵalıevti óltirgen, Petr Nıekti óltirýge tyrysqan úsh er adamdy jáne bir top zańsyz ań aýlaǵandardy kináli dep tanydy, - dep habarlaıdy Tengrinews.kz.

Berik Ahmetov, Qaırat Aqshanov jáne Nurlan Shúkildikov ómir boıyna bas bostandyǵynan aıyryldy.

Bul iske qatysty qalǵan tulǵalar - Berden Bazarov, Batyrbek Qaıyrbekov, Jarashan Myrzabaev jáne Aıdos Ákimov, zańsyz ań aýlaǵany úshin kináli dep tanylyp, 6 jylǵa bas bostandyǵynan aıyryldy. Olar jazany ortasha qaýipsizdik kolonııasynda óteıdi.

Barlyq sottalǵandar ań aýlaý quqyǵynan bes jylǵa aıyrylyp, 20 jáne 30 AEK kóleminde ótemaqy tóleýge mindetti.

Sonymen qatar, sot olardan 17 aqbókendi óltirgeni úshin ótemaqy retinde 89 mıllıonnan astam teńge óndirip alýǵa qaýly etti.

Eske salaıyq, 27 tamyzda Qaraǵandyda qoryqshy Erlan Nurǵalıevtiń ólimine qatysty qylmystyq is boıynsha tyńdaý bastalǵan. Kúdiktilerdiń qatarynda Qyzylorda oblysynyń jeti turǵyny bolǵan. Qylmystyq is materıaldaryna sáıkes, bıyl qańtarda olar aldyn ala kelisip, Qaraǵandy oblysynyń Nura aýdanyna aqbókendi aýlaýǵa shyqqan. Onda 17 aqbókendi atyp, "Ohotzooprom" qoryqshylyq qyzmetkerleriniń kózine túsken. Olar qashyp qutylamyz dep ınspektor Erlan Nurǵalıev pen Petr Nıykke shabýyl jasaǵan. Nátıjesinde eki qyzmetker de aýyr jaraqat aldy. Er adamdar olardyń qyzmettik kóligi men GPS kiltterin alyp ketkendikten, zardap shekkenderdi birneshe saǵattan keıin ǵana tabylǵan. Alaıda Erlan Nurǵalıev aýrýhanada kóz jumdy.

Pikirler