Alǵys aıtý kúnin beker oılap tappapty, oǵan 21,9 mln teńge jumsalady eken.
«EtnoFashion» degen festıval ótkizýge 11,8 mln. teńge. «Kóshbasshy bol!» degen jobaǵa 10 mln. teńge. Etnıkalyq teatrlardyń respýblıkalyq festıvalin ótkizýge 119 mln. teńge! Osylaı kete beredi.
Erigip, án salyp, bı bılep júrgenderge sýdaı aǵyp ketip jatqan qaıran qarajat!
Assambleıaǵa jyl saıyn 3 mlrd. teńgege jýyq qarajat bólinedi eken.
Buǵan assambleıa atynan saılanyp otyrǵan 9 depýtattyń aılyǵyn, páterin t.b. da shyǵyndaryn qosyńyz. Ár ulttan bir depýtat degen budan bylaı bolmaýy kerek. Olar osy memlekettiń azamaty bolsa, el qatarly saılansyn. Budan bylaıǵy depýtattardyń barlyǵynyń qazaq tilin bilýin talap etip, ol talaptyń saılaý týraly zańǵa da engizilýin qolǵa alý kerek.
Jalpy Assambleıa jasandy, qajetsiz, shyǵyny óte kóp, ulttardyń biriktirýdiń ornyna birigýine kedergi bolyp turǵan uıym. Jabylýy tıis. Ne bolsa soǵan aqsha shashyp otyratyn uıymnyń qajeti joq.
Men osyndaı málimetterdi oqyǵan saıyn «Depýtattar bıýdjetti qarap jatyr. Depýtattar bıýdjetti talqylap jatyr» – dep BAQ-tan beriletin aqparattar esime túsedi. Sonda neni qarap, neni talqylaıdy? Qarajattyń osylaı jumsalýynyń bárin durys dep oılap, bekitip bere me?
dalanews.kz
