Būryn Ūlybritaniiada polisiia qyzmetkerıne şabuyl jasady dep aiyptalǧan Nazarbaevtyŋ nemeresı Aisūltan, otbasyn özıne qarsy zorlyq-zombylyq jasady jäne zaŋsyz qamauda dep aiyptap, elden saiasi baspana sūrady.
«Men Ūlybritaniiadan saiasi baspana ızdep jürmın. Soŋǧy 5 jylym tek qana sūrqai künderden tūrady. Adamdar şynymen ne bolǧanyn jäne ne üşın ekenın bıletın kez keldı», - dep jazady Aisūltan Facebook-ta.
Aisūltan Nazarbaev öz jazbasynda otbasyndaǧy qiyn jaǧdailar turaly bylai deidı: «Būl joly olar menı ūstap alyp, psihotroptyq zattarmen küştep aidap äkettı jäne menı emdelu kursyn ötedı degen syltaumen soŋǧy 14 aiym ötken türmede şırıtuge jıberdı.
Menıŋ qūqyǧym būzylyp, Nūrsūltan Nazarbaev menı menen kek alǧysy kelgen anamnyŋ qolyna berdı. Menıŋ Mäskeudegı Orel qalasy maŋyndaǧy zaŋsyz türmede otyrǧanymda 12-şı aida türmege maǧan anam keldı. Ol menen kışıpeiıldılık körıp tūrmaǧanyn aitty.
Soŋynda men osy türmede qaldym, men ol türmede oǧan tolyqtai moiynsūnǧanşa otyratyn boldym. 14 aidyŋ ışınde men tek aşulanşaqtyq pen kek sezımınen aman qaldym! Alnur Mūsaevtyŋ arqasynda Reseidıŋ arnaiy qyzmetterı menı sol jerden şyǧardy.
Menıŋ qaiyn atam, kezınde men kömektesken Qairat Boranbaev ta menen bas tartty!», - dep jazady Aisūltan.
Eske salaiyq, 2019 jyldyŋ qazan aiynda Aisūltan Londondaǧy polisiia qyzmetkerıne şabuyl jasaǧany üşın probasiiaǧa kesılgen bolatyn. Sot ükımımen synaq merzımı, naşaqorlyqty emdeudı jalǧastyru, qoǧamdyq qyzmet jäne aiyppūl qarastyrylǧan.
Esırtkınıŋ äserınen polisiiaǧa qarsylyq körsetıp, olardyŋ bıreuın ūryp jıbergen Aisūltan kınälı dep tanyldy.
Aisūltan Nazarbaev - Qazaqstannyŋ eks-prezidentınıŋ ülken qyzy Dariǧa Nazarbaeva men onyŋ küieu balasy, marqūm Rahat Älievtıŋ ūly. Sandherstegı Koroldık Äskeri akademiiany bıtırıp, Qazaqstan Qorǧanys Ministrlıgınıŋ Bas barlau basqarmasyna qabyldandy. 2017 jyly Aisūltan Qazaqstan futbol federasiiasynda jūmys ıstedı.
Eske salsaq, Özbekstannyŋ tūŋǧyş prezidentınıŋ ülken nemeresı İslam Karimov ta 2018 jyly Ūlybritaniiadan pana sūraǧan.
"SentrAziia"
