Qordaı aýdany Masanchı aýylynda adamnyń máıiti tabyldy. Bul týraly "Adyrna" portaly oblys ákiminiń keńesshisine silteme jasap habarlaıdy.
"2020 jyldyń 11 aqpanynda saǵat 12:07-de Jambyl oblysy Polıııa departamentiniń kezekshi bólimine, Qordaı aýdanynyń Masanchı aýylynda, saýda ortalyǵy ǵımaratyn (órtten keıin shatyrdyń qulaýy bolǵan), tazartý kezinde, qıraǵan úıindilerdiń astynda adamnyń kúıgen denesi tabyldy. Máıittiń jeke basyn anyqtaý úshin sot-medıınalyq saraptama taǵaıyndaldy. Jedel aldyn-alý sharalary júrgizilip jatyr", - dep jazdy Jambyl oblysy ákiminiń keńesshisi Qanat Qulshmanov Facebook jelisindegi paraqshasynda.
"Adyrna" ulttyq portaly Qordaı oqıǵasy kezinde taǵy bir adamnyń joǵalyp ketkenin jazǵan bolatyn. Masanov Murat esimdi azamat tanystarynyń aıtýynsha, bir úıdiń jalǵyz balasy eken. Eki qabatty úıden tabylǵan máıittiń Murattiki bolý yqtımaldyǵy 50de50 paıyz deıdi aýyl turǵyndary.
Eske salaıyq, 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles bolǵan edi. Jappaı tóbeleske resmı derek boıynsha 300-ge jýyq adam qatysqan. Shet el baspasózi oqıǵany ultaralyq qaqtyǵys dep baǵalasa, prezıdent Toqaev buzaqylyq dep ataǵan bolatyn.
"Adyrna" ulttyq portaly
