Qordaıda bolǵan qaqtyǵysqa baılanysty halyqtyń arasynda qyzý pikirtalas áli de basylar emes. Osy qaqtyǵysty paıdalanyp buqarany odan ári arandatýǵa jol berip otyrǵandar da bar.
Degenmen, baqsaq jaǵdaı basqasha eken demekshi, jergilikti turǵyndardyń bergen suhbatynan bul qaqtyǵystyń bir kúnde burq ete qalmaǵanyn baıqaımyz. Máselen, 7 aqpan kúni soqqyǵa jyǵylyp, dúńgenderden taıaq jegen aqsaqaldyń ulynyń bergen suhbatyna jáne jergilikti turǵyndardyń pikirine júginsek, dúńgender tipti zańǵa da baǵynbaı ketken.
"Bizdi urǵandardy polıııa sol kúni bosatyp jiberdi. Artynan "bileıin" dep baryp suradym. Bosatyp jibergen. Olardy zań buzyp ustalsa birden bosatady. Al bizdi jazalaıdy. Dúńgender zańǵa baǵynbaıdy. Buǵan deıin de qanshama jaıttar boldy. Olar qutylyp kete beredi. Olar "jyndy" degen anyqtama alyp alady. Buǵan qosa ajyrasyp ketti, jalǵyzbasty ana degen anyqtamalar alyp alady. Sosyn memleketten beriletin járdemaqyny solar alady. Al shyndap kelgende olar otbasymen birge turady. Bul arada zańsyzdyq kóp",-deıdi soqqyǵa jyǵylǵan aqsaqaldyń uly.
Sondaı-aq jergilikti turǵyndar "Olar jer senderdiki bılik bizdiki degendi de aıtady. Mektepte sabaq ústinde 10-11 synyp oqıtyn dúńgen balalary "bizge qazaq tili kerek emes, qazaq tilin oqymaımyz, ózimizdiń tilimiz kerek, matematıka kerek boldy" dep aıtady. Olar zańǵa baǵynbaıdy. Biraq sútten aq sýdan taza bolyp otyrady" deıdi.
"Adyrna" ulttyq portaly
