Shyǵys Qazaqstan oblysy ákimshiliginiń eki birdeı qyzmetkeri qamaýǵa alyndy. Oblystyq aýylsharýashylyq basqarmasy basshysynyń orynbasary men ákim apparaty zań bóliminiń basshysy para aldy degen kúdikke ilingen. Bul týraly sybaılas jemqorlyqqa qarsy is-qımyl agenttigi habarlady.
Memlekettik qyzmetkerler 2017-2021 jyldarǵa arnalǵan agroónerkásip keshenin damytýǵa arnalǵan baǵdarlamaǵa qatysty ustalǵan. Naqtylasaq, osy óńirdegi jaýapkershiligi shekteýli seriktestiktiń ókiline zańsyz qoldaý kórsetip, qyzmet aqysy retinde 35 mıllıon teńge para aldy dep aıyp taǵylyp otyr.
Atalǵan memlekettik qyzmetkerler men seriktestiktiń ókili ustalyp, Óskemendegi ýaqytsha ustaý abaqtysyna qamaldy. Qazir kúdiktilerge qatysty bultartpaý sharasy týraly másele qaralyp jatyr. Sońǵy sheshim sotta qabyldanatyn bolady.
malim.kz
