Qytaı bıligi koronavırýstyń kóz arqyly juǵatynyn rastady

8456
Adyrna.kz Telegram

Koronavırýstyń jańa túri adam aǵzasyna kózdiń shyryshty qabyǵymen baılanys arqyly enýi múmkin. Bul týraly QHR-nyń Densaýlyq saqtaý isteri boıynsha memlekettik komıtetiniń ókili Lı Sınvan búgin ótken brıfıngte málimdedi dep habarlaıdy KAZ.NUR.KZ  Habar 24-ke silteme jasap.

"Pnevmonııanyń jańa túrin baılanys arqyly juqtyrýǵa bolady. Eger vırýs sizdiń qolyńyzdyń teri qabatyna tússe, al siz abaısyzda kózińizdi súrtseńiz, onda vırýs juǵýy múmkin. Sol sebepti qorǵanysh betperdelerdi kıip, qoldy muqııat jýý kerek. Bul vırýstyń taralý jáne ony juqtyrý qaýpin tómendetedi", - dedi Lı Sınvan.

Aıta ketsek, koronavırýstyń jańa túrin juqtyrǵan qytaılyqtar sany seısenbi kúni taǵy 32 adamǵa ósip, jalpy 4547-ge jetken. Sondaı-aq, vırýstan kóz jumǵandar sany 106 adam bolǵan.

Eske sala keteıik, kúni keshe vırýstyń adamnan adamǵa kózdiń shyryshty qabaty arqyly juǵýy múmkin ekeni habarlanǵan.

Vırýstyń adamnan adamǵa juǵý joldary týraly jańa aqparat qytaı dárigeri Van Gýangfanyń áńgimesinen soń paıda boldy.

Dáriger BAQ-qa naýqastarmen jumys barysynda barlyq saqtyq sharalaryn jasaǵanyn, alaıda kózine qorǵanysh kózildirigin kımeı, kózin ashyq qaldyrǵanyn aıtqan dep jazady Daily Mail.

Van Gýanfanyń sózinshe, oǵan ınfekııa kózdiń shyryshty qabaty arqyly juqqan bolýy múmkin.

Pikirler