Elimiz táýelsizdigin alǵannan bastap, Respýblıkamyzda din týraly zańdar da kúshine ene bastady.Zań sheńberi boıynsha Qazaqstan Respýblıkasynyń kez kelgen azamatynyń tili men dinine qaramastan jeke nanym-senimine, kózqarasyna qurmetpen qaraý negizdeldi. Iaǵnı memleketimizde dinı erkindikter oryn ala bastady. Endi ǵana alǵa qadam basqan jas memleket úshin, dinniń ózektiligi, radıkaldy áreketter, dinı turaqsyzdyq sondaı-aq din aıasyndaǵy birneshe taqyryptar aıtarlyqtaı mańyzdy rol atqara qoıǵan joq bolatyn.Ýaqyt óte kele din máselesiniń ózektiligi artyp, ishki qaıshylyqtar men narazylyqtyń týyndaý saldarynan jaǵdaı shıelenise tústi.
Elimizdegi eń kóp terrorlyq áreketter oryn alatyn qalalar qataryna: Almaty, Atyraý, Aqtóbe, Pavlodar, ShQO, BQO, Mańǵystaý sekildi oblystar enedi.
Biraz ýaqytqa deıin Almaty, Astana qalalarynda kezinde terrorlyq qaýiptiń «sary» deńgeıleri engizildi.
Respýblıka aýmaǵynda 2011 jyldan bastap radıkaldy áreketter oryn ala bastady. Alǵashynda «bomba» jarylǵysh zatymen ózin jaryp jiberetin jıhadshylar kóbeıdi.Biraq quqyq qorǵaý organdary ol jarylystardy terakt dep qabyldaǵan joq. Esesine 2011 jyldyń sońǵy qorytyndysy boıynsha bir jyl ishinde 8 terakt oryn alǵan, biraq onyń 4-i terakt retinde qabyldanǵan joq, degenmen, oryn alǵan áreketterdiń barlyǵynda birdeı jaǵdaılar kórinis tapqan. Ókinishke oraı ol ýaqytta jıhadshylarǵa eshqandaı qarsy kúres amaldaryn júrgize alǵan joqpyz.Sol ýaqyttarda ózin ǵana jaryp jiberetin jıhadshylar,búginde birneshe toptyń ómirin qııýdy ádetke aınaldyrdy. Osylaısha, 2011 jyl Qazaqstannyń árbir turǵyny úshin terrorızmnen bolǵan jarylystar bolashaqqa degen úreılerin týǵyzdy.
Búginde zańda ózgertýler engizilgen,qarsy kúresterde júrgizilip jatyr, biraq sol keshegi jıhadshy men búgingi terrorıstiń shyǵý tegin taba almaı kele jatyrmyz.Buryn qalaı kúresip edik, qazir qalaı kúresip kele jatyrmyz dep taldaıtyn bolsaq, birshama jetistikterge jettik,birneshe teris aǵymǵa ketken adamdardyń betin beri qaratqanymyz kóńil qýantady. Bul rette mınıstrli tarapynan «Jýsan - 1», «Jýsan -2», «Jýsan-3» operaııasy oıdaǵydaı nátıje berdi. Sol tárizdi jastardy teris aǵymnan qorǵaý sharalarynda kóptegen jaıttar oryn alyp jatyr.
Degenmen búginde meshitterdegi jaǵdaıda aqsap tur.Juma namazǵa bara qalsańyz,jamaǵattan bólinip namazyn ózgeshe oqıtyn adamdar kózińizge túspeı qoımaıdy.Sońǵy 3-4 jyl sheńberinde jastardyń dinge bet burýy da edáýir joǵarǵy kórsetkishke ıe boldy.Bul kórsetkishterdi de jat aǵymdar óz maqsattaryna paıdalanyp,elimizde jastardyń qatysýymen terrorlyq áreketter beleń alýda.Bul,árıne,qýanatyn jaǵdaı emes,biraq qoǵamda saqalyn qaptap ósiretinder men balaǵynyń qysqalyǵyn anyq kórsetetin adamdar kóbeıýde.Zaıyrly memleket ekenimizdieskerer bolsaq,olardyń syrt kelbeti men namaz oqýyndaǵy ózgeshelikterine kóz jumyp qaraýymyzǵa týra keledi.Biraq memleketimiz onymen toqtap qalyp jatqan joq,ǵalamtor jelilerinde túsindirý jumystarymen,aýdıo,vıdeo jazbalardyń kóbeıýi, sondaı-aq múftııat pen dinı basqarmalardyń belsendiligin baıqaımyz.Alaıda onymen jumys bitpeıdi,jańashalanǵan ádister men jyldamdatylǵan ozyq júıege aýysý kerek.
Eń aldymen ıslam baǵytyndaǵy bilim berý júıesin naqtylap,sonymen qatar mektepterde dintaný pániniń saǵattaryn kóbeıtý arqyly, bilim alyp kele jatqan jas jetkinshekterdiń din taqyrybyndaǵy saýattylyǵyn arttyramyz. Onymen qosa ǵalamtor jelilerindegi burys baǵytta jumys jasaıtyn saıttar men toptardyń taralýyna tıym salý jáne qatań tekseristen ótkizý jumystaryn qolǵa alýymyz shart.Arnaıy ońaltý ortalyqtarynyń halyqpen tyǵyz baılanysyn jaqsartý kerek,ıaǵnı kez –kelgen qala turǵyny qysylmastan kókeıindegi suraqtar men namaz oqý júıesin tanysynan emes arnaıy oryndardan úırengeni durys. Halyqtyń dinge degen qulshynysy kúnnen-kúnge artyp kele jatqanyn eskersek, memlekettik mekemelerde,jekemenshik jumys oryndarynda, JOO,orta bilim beretin jáne mektepterde, arnaıy kásiporyndarda túsindirme jumystaryn jıi jasaý arqyly din mamandarynyń halyqpen tyǵyz baılanysyn arttyramyz.Jat aǵymdardyń qurbany bolǵan adamdar týraly derekti jáne kórkem fılmderdiń sanyn kóbeıtken jón. Sondaı-aq dintanýshy psıhologtardyń kóptep daıarlanýy,utymdy jumystyń biri bolar edi.
Osyǵan oraı, joǵaryda aıtylǵan máselelerdi sheshý maqsatynda Almaty qalasy Ishki saıasat basqarmasynyń «Monıtorıng jáne taldaý» ortalyǵy Din isteri jónindegi basqarmanyń tapsyrysymen «Dintaný jáne zaıyrlylyq negizderi» pániniń muǵalimderine biliktiligin arttyrý kýrstaryn júrgize bastady. Bul kýrstar Qaldaıaqova, 62 A meken-jaıy boıynsha ornalasqan Qalalyq bilim berýdegi jańa tehnologııalar ortalyǵynda ótip jatyr.
Qazaq halqy úshin ıslam dini dástúrli din bolǵandyqtan,ıslamı saýyttylyq elimizdiń kez-kelgen azamatynan talap etilýi tıis.Ol úshin arnaıy oqytatyn kýrstar,ınternet jelilerindegi maqalalardyń sanyn jıiletýdi qolǵa alý kerek.
Tursynǵalı ÁLIP,
«Adyrna» ulttyq portaly
