Qazaq halqynyń úzdik ertegileri 15 tomdyq aýdıokitapqa jınaqtaldy

4510

Qazaq halqynyń 15 úzdik ertegisi bir aýdıokitapqa jınaqtalyp, jaryqqa shyqty. 

«Biz 15 tomnan turatyn aýdıokitaptyń tusaýkeserin ótkizdik. Olardyń árbirinde bir ertegiden jazylǵan. Qazaq halqynyń eń tanymal ertegilerin iriktep aldyq. Mysaly: «Jyl basy», «Úsh aıý», «Eki laq», «Kim kúshti», «Erikken han» jáne taǵy basqalary», - deıdi aýdıokitapty daıyndaǵan «SANA Media» JShS dırektory Quralbek Atamuratov.

Aýdıokitapqa tárbıelik máni bar halyq ertegileri jınaqtalyp otyr. Sondaı-aq árbir shyǵarma ánmen súıemeldenip, sýrettermen bezendirilgen.
«Búgingi kúni dúkenderde sheteldik kitaptar kóp satylady. Sondyqtan balalarymyz bárin orys nemese aǵylshyn tilinde oqıdy. Al qazaq tilindegi ertegiler jınaqtalǵan aýdıokitaptar joq. Balalar halyq ertegilerin ana tilinde oqyp, túsinýi qajet. Sondyqtan osyndaı ónimdi jaryqqa shyǵaryp otyrmyz», - deıdi Atamuratov.

Onyń aıtýynsha, kitapty daıyndaýǵa kásibı akterler atalysyp, keıiperlerdi dybystaǵan.

Árbir aýdıokitap 4 myń danadan turady, sonda barlyǵy 60 myń dana ertegiler jınaǵy jaryq kórgen. 

Pikirler
Redakııa tańdaýy