Myrzahmetov «Qaraalmanyń» qurylysyn 1-2 aıda aıaqtaýdy tapsyrdy

3139
Adyrna.kz Telegram

Búgin Jambyl oblysy ákimi Asqar Myrzahmetov Jýaly aýdanyna jumys saparymen baryp, «Qaraalma» taý shańǵy bazasynyń qurylysymen tanysty.

Búginde taý shańǵy bazasynyń qurylys jumystary 85 paıyzy aıaqtalǵan.  Qonaq úı-kotedjderi, týrısterge qyzmet kórsetý servıstik kesheniniń qurylysy  salynýda. Sondaı-aq, jeti shaqyrymdyq jol salynyp, ınfraqurylym tartý jumystary aıaqtalǵan. Kerek qural-jabdyqtardyń deni  jetkizilgen.  Qurylys  basynda 100-den astam jumysshy aýa-raıynyń qolaısyzdyǵyna qaramastan, kún-tún demeı bilek-sybana eńbektenýde.

Aıta ketý kerek, munda  demalys kesheninde qonaqtar jyl on eki aı boıy demalýǵa múmkindik alady. Jaz mezgilderinde saýmalmen, qymyzben emdeıtin, atpen serýen quratyn oryndar ashylady dep kútilýde.

Jalpy, nysan memlekettik-jekemenshik áriptestik negizinde salynýda. Jobanyń jalpy quny – 4 mıllıard teńge. Týrıstik nysan «Batys Eýropa-Batys Qytaı» kúrejolynyń boıynan 7 shaqyrym qashyqtyqta, Alataý taýynyń baýraıynda teńiz deńgeıinen 1600 metr bıiktikte boı kóterýde. Sonymen qatar, Alataý taýynyń ushar basynan keshenge deıin 2 500 metr syrǵanaý jolaǵy túsýde. Sol sııaqty 2050 jáne 350 metrlik aspaly joldardyń qurylystary da júzege asyrylýda. Aspaly jol qurylysyna qajetti qondyrǵylar Avstrııa elinen jetkizilgen.

Asqar Isabekuly jaýaptylarǵa  mundaǵy  barlyq jumystardy sapaly atqarýdy, 350 metrlik aspaly joldyń  montajdaý, ornatý sharalaryn aǵymdaǵy jyldyń 16 jeltoqsanǵa deıin aıaqtaýdy tapsyrdy. Al, uzyndyǵy 2 myń metrden asatyn  aspaly joldyń qurylysyn bir-eki aıda tolyǵymen bitirý kerektigin eskertti.

Mamandar «Qaraalma» taý-shańǵy kesheni oblystyń ekonomıkalyq damýyna oń áser etetinin aıtady. Sebebi Shymkent qalasy men Túrkistan oblysynyń turǵyndaryna Jýaly aýdany jaqyn. Sondyqtan da olar Almatydaǵy Shymbulaq taý-shańǵy keshenine sabylmaı, irgedegi Qaraalma keshenine kelýi múmkin. Sondaı-aq Jambyl oblysynyń turǵyndary da osynda kelip, bir sát demalyp kete alatyn bolady. Bir sózben aıtqanda, Jambyl oblysynan mundaı keshenniń salynýy oblys úshin ǵana emes, sonymen qatar elimiz úshinde óte mańyzdy shara bolmaq.

«ADYRNA»

ulttyq portaly

Pikirler