Jambyldyq sharýa «Sybaǵa» baǵdarlamasy arqyly kásip bastady

3631
Adyrna.kz Telegram

«Aýyl sharýashylyǵyn qarjylaı qoldaý qory» AQ kásip bastaımyn degen azamattarǵa 6 paıyzben nesıe berip, sharýalarǵa zor qoldaý jasap jatyr. Buǵan deıin aýyl sharýashylyǵy baǵytynda nesıe bergen qor taıaýdan bastap qala azamattarynda qarjylandyrmaq.

Aýyl sharýashylyǵyn qarjylaı qoldaý qory qoı sharýashylyǵyn qoldaýǵa baǵyttalǵan nesıeleý baǵdarlamalaryn júzege asyrady. Jeńildikpen beriletin nesıe qarjyǵa shaǵyn sharýashylyqtar iri qara, usaq mal, jylqy, qus, bal aralaryn satyp alady.

Respýblıkadaǵy mal sharýashylyǵy keńinen qanat jaıǵan Jambyl oblysynda qoı sharýashylyǵymen aınalysatyn qojalyqtar kóp. Solardyń biri Jýaly aýdany, Kúreńbel aýylynda turatyn «Dıas» sharýa qojalyǵynyń basshysy Móldir Baısaqalova. Ol «Sybaǵa» baǵdarlamasy arqyly nesıe rásimdep, qoı sharýashylyǵymen aınalysýǵa myqtap kirisken. Móldir Baısaqalovanyń aıtýynsha, qordyń nesıe sharttary men talaptary ońaı jáne jeńildik merzimi bar qarastyrylǵan .

«Aýyl sharýashylyǵyn qarjylaı qoldaý qorynan «Sybaǵa» baǵdarlamasy arqyly 6,5 jylǵa 6 proentpen 10 mln teńge nesıe rásimdep, oǵan 260 bas qoı men 9 qoshqar jáne maldyń jem-shóbin satyp aldym. Eki adamǵa jumys berip otyrmyn. Ózim 2008-jyly qarjyger mamandyǵy boıynsha joǵary bilim alǵanmyn. Biraq, keńsede jumys istegennen góri sharýashylyqpen aınalysqandy jón sanap, iske kirisip kettim. Negizi, malda bereke bar. «Mal ósirseń qoı ósir, tabysy onyń kól-kósir» degen sóz bar ǵoı. Sol aıtqandaı, qoı sharýashylyǵy mol tabys tabýǵa bolatyn sala dep esepteımin. Árıne, mal baǵý, ósirý degen qajyrly eńbekti qajet etedi. Ár jumystyń óz beıneti bar, soǵan oraı  zeıneti de bolady. Sondyqtan, jumystan qoryqpaý kerek, dep oılaımyn. Adal eńbekke ne jetsin? Aldaǵy ýaqytta osy malymdy kóbeıtip, etin eksportqa shaǵyrsam, degen josparym bar. Qordyń nesıe sharttary men talaptary kóńilimizden shyǵady. Bıyl Qordyń qurylǵanyna 25 jyl tolyp otyr eken. Quttyqtaımyn, osy salada jumys istep jatqan barlyq azamattarǵa mol tabys, zor densaýlyq tileımin!», - deıdi qojalyq basshysy Móldir Baısaqalova.

Qazirgi ýaqytta sharýashylyq basshysy Móldir Baısaqalovanyń qolynda et eksportymen aınalysatyn «Ońtústik halal taǵamdary» JShS-men jasasqan qoı etin tapsyrý kelisimsharty bar. Iaǵnı, taıaý ýaqytta «Dıas» sharýa qojalyǵy qoı eti eksportyna úles qosady.

Aýyl sharýashylyǵyn qarjylaı qoldaý qorynyń Jambyl oblysyndaǵy fılıaly «Sybaǵa» baǵdarlamasymen 58 sharýaǵa 588 mln 897 myń teńge nesıe berip, oǵan 17 702 bas qoı satyp alyndy.

«Sybaǵa» baǵdarlamasynyń basty maqsaty – et eksportynyń áleýetin arttyrý. Sol úshin sharýalarǵa barynsha jeńildikter qarastyrylady. Aýyl sharýashylyǵyn qarjylaı qoldaý qory usaq mal basyn kóbeıtýge nesıe beredi. Nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda qoı sharýashylyǵyna 12 mıllıon teńgege deıingi nesıe 6,5 jylǵa 6 proentpen beriledi. 2 jylǵa deıingi jeńildik merzimi qarastyrylǵan. Iaǵnı, osy aralyqta sharýa negizgi borysh pen ústemeni tólemeıdi. Nesıege mal, tehnıka jáne mal azyǵy satyp alynady.

Bıyl Qordyń qurylǵanyna 25 jyl. Osy ýaqyt aralyǵynda jalpy somasy 312 mlrd teńge bolatyn 152 myń nesıe berildi. Bıylǵy jyldyń sońǵy kórsetkishi boıynsha barlyq baǵyttar boıynsha 51 mlrd 296 mln teńgeni quraıtyn 11 351 joba qarjylandyryldy.

«ADYRNA»

ulttyq portaly

Pikirler