«Latyn grafıkasyn engizýdiń ǵylymı-uıymdastyrýshylyq mindetteri» 4-kezeń

2595
Adyrna.kz Telegram

«LATYN GRAFIKASYNA KÓShIRÝ ÚDERISINDEGI

JASTARDYŃ RÓLI»

Ótetin orny: Nur-Sultan qalasy, Eýrazııa gýmanıtarlyq ınstıtýty, Maǵjan Jumabaev kóshesi 4-úı, Bas ǵımarat, Akt zaly, 3-qabat

Ótetin merzimi: 2019 jylǵy, 28 qarasha, saǵat 11:00

Qazaqstan Respýblıkasy Mádenıet jáne sport mınıstrligi Til saıasaty komıtetiniń tapsyrysymen Shaısultan Shaıahmetov atyndaǵy «Til-qazyna» ulttyq ǵylymı-praktıkalyq ortalyǵy 2019 jylǵy 28 qarasha kúni Nur-Sultan qalasynda Eýrazııa gýmanıtarlyq ınstıtýty bas ǵımaratynyń akt zalynda «Latyn grafıkasyna kóshirý úderisindegi jastardyń róli» taqyrybynda semınar-keńes uıymdastyrady.

Semınar-keńestiń maqsaty – Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýyndaǵy qazaq tiliniń ultaralyq qatynys tili retinde qalyptasý baǵytyndaǵy jumystardyń bir salasy qazaq álipbıin latyn grafıkasyna kóshirý úderisindegi jastardyń alatyn orny men atqaratyn rólin anyqtap, pysyqtaý, jastarǵa artylatyn mindetterdi belgileý ári nasıhattaý.

Semınar-keńes aıasynda qazaq tiliniń jahandaný úderisindegi latyn grafıkasyna kóshýdegi logıkalyq maǵynasy, qazaq tiliniń damýyndaǵy onyń róli men mańyzdylyǵy qozǵalady. Jahandaný jáne ulttaný úderisindegi qazaq tiliniń ómirsheńdigin arttyratyn reforma retindegi jańa álipbıge kóshý barysy, osyǵan qatysty atqarylǵan sharalardyń qorytyndysy, aldaǵy mindetter, jurtshylyq arasynda bul reformaǵa qatysty júzege asyrylǵan jumys nátıjeleri sóz bolady. Álipbı reformasynyń jalpyhalyqtyq sıpat alý tetikterin iske qosýdyń joldary anyqtalyp, qoǵamdyq ómir salalary men qurylym ókilderine arnalǵan álipbı reformasy men jas ǵalymdardyń osy úderistegi róli týraly pikirler talqylanady.

Semınar-keńeske ortalyq atqarýshy memlekettik organdar men jergilikti atqarýshy memlekettik organdarda qyzmette júrge jas memlekettik qyzmetshiler, joǵary jáne orta arnaýly oqý oryndarynda jumys atqaryp júrgen jas ǵalymdar, doktoranttar men magıstranttar, fılolog mamandar, fılologııa fakýltetteriniń stýdentteri, jas til mamandary jáne qazaq tiliniń bolashaǵyn oılaıtyn til janashyrlary qatysady.

Baılanys:

tel. 27 71 33, 27-30-43, 27-71-38

Veb-saıt: www.tilalemi.kz, www.qazlatyn.kz, www.tilqazyna.kz

El.poshta: info@tilqazyna.kz

Uıaly telefon: 8 775 818 27 72, 8 701 897 50 47

Pikirler