Ataqty ózbek boksshysy kásipqoıǵa aýysty

848

Sýret Interactive.uz
Ózbekstandyq boksshy, 2016 jylǵy Olımpıada oıyndarynyń chempıony Hasanboı Dýsmatov alǵashqy kásibı jekpe-jegin 10 qarashada ótkizedi. Bul týraly Kun.uz habarlaıdy.

Jekpe-jek osy jyldyń 10 qarashasynda Qytaıdyń Fýchjoý qalasynda ótedi. Ózbek boksshysynyń qarsylasy qytaılyq De Bın Chjoý bolady (3 jeńis, 1 teńbe-teńdik, 1 jeńilis, 2 nokaýtpen jeńis).

Hasanboı Dýsmatov 49 kelige deıingi salmaqta áýesqoılar arasynda tanymal. Boksshy - 2016 jylǵy Olımpıada chempıony, Azııa chempıony (2015 jáne 2017), álem chempıonatynyń kúmis júldegeri (2017). Ol «Ózbek jolbarystary»  quramynda baq synaǵan.

Qazirgi ýaqytta kásipqoı boksta birneshe ózbekstandyq chempıondar júr, olardyń ishinde Azııa chempıony Isroıl Madrımov pen álem chempıony Shahram Gııasov bar.

Pikirler