Sırııadaǵy mádenıet nysandary zańsyz qazba jumystaryn júrgizý men sodyrlar men bılik áskeriniń arasyndaǵy qaqtyǵystardyń nátıjesinde buzyldy, dep málimdedi eldiń Kóne muralar jáne mýzeıler departamentiniń dırektory Maamýn Abdýlkarım. Bul týraly Reseıdiń RIA Novostı aqparat agenttigi habarlady.
«Sırııadaǵy 10 myńnan astam arheologııalyq eskertkishterdiń 300-ge jýyǵy buzyldy»,- dedi Abdýlkarım.
Sonymen qatar, ol mádenı qundylyqtardyń joıylýyna ózderin «Islam memleketi» dep ataıtyn terrorlyq uıymynyń ıdeologııalyq saıasaty da zardabyn tıigizip otyrǵandyǵyn alǵa tartty. Bul rette ol Palmıradaǵy jaǵdaıdy mysalǵa keltirdi. Onda soǵystyń saldarynan baspanasyz qalǵan azamattar tarıhı jádigerlerdiń aınalasyna qurylys salýǵa deıin barǵan.
M.Abdýlkarım sonymen qatar, departament tarapynan qolǵa alynǵan sharalar týraly da aıtyp berdi. «Elde túrli qaqtyǵystar bastalyp, jaǵdaı shıelenisip bara jatqan 2012 jyldyń jaz mezgiliniń sońyna taman biz barlyq mýzeılerdi jaýyp tastap, arheologııalyq nysandardy Damask pen ózge de qalalardaǵy qaýipsiz aımaqtarǵa kóshire bastadyq»,-dedi departament dırektory.
KAZMUSEUM.KZ
