2019 jylǵy 31 qazanda premer-Mınıstr Keńsesiniń baspasóz ortalyǵynda kommýnaldyq-turmystyq qajettilikterdi jáne halyqty kómirmen qamtamasyz etý jáne temir jol kóligimen kómir tasymaldaý jóninde brıfıng ótti.
Is-sharaǵa, QR IIDM Indýstrııalyq damý jáne ónerkásiptik qaýipsizdik komıtetiniń tóraǵasy Qanat Baıtov, QR IIDM Kólik komıteti tóraǵasynyń orynbasary Jánibek Taıjanov qatysty.
Jedel derekter boıynsha aǵymdaǵy jyldyń 28 qazanyna 88,2 mln. tonna kómir óndirildi, bul ótken jyldyń sáıkes kezeńimen salystyrǵanda 98% - dy quraıdy (90,3 mln.tonna).
«Shubarkól Kómir» AQ aqparaty boıynsha, jóneltilim jospar boıynsha 2 aýysymdy rejımde júrip jatyr. Aǵymdaǵy jyldyń 28 qazanyna Aqtóbe oblysyna 10 vagon nemese 700 tonnaǵa jýyq kómir jóneltildi.
Tiliktiń bortynda kómirdi óz betimen tasymaldaý kezektilik tártibimen júzege asyrylady jáne aǵymdaǵy jylǵy 28 qazandaǵy jaǵdaı boıynsha kezek 50-60 júk mashınalaryn quraıdy. Búgingi kúni ishki rynokqa jóneltýdiń jalpy kólemi táýligine 3600 tonnany quraıdy.
Kommýnaldyq-turmystyq qajettilikter men halyqqa arnalǵan kómir baǵasy kesindi tıeý baǵasynan (ázirleý sharttaryna baılanysty tonnasyna 3-7 myń teńge sheginde), jyljymaly quramdy tasymaldaýǵa, qyzmet kórsetýge arnalǵan temir jol tarıfterinen, kómirdiń bırjalyq qunynan, sondaı-aq halyqqa kómir jetkizetin deldal uıymdar men jeke tulǵalardyń marjasynan qalyptasady.
Sondaı-aq, bıylǵy jyly jylý berý maýsymyna daıyndyq bastalǵannan beri (1 mamyrdan bastap jáne 30 qazandaǵy jaǵdaı boıynsha) Qazaqstan ishinde temir jol kóligimen 33,8 mln.tonna kómir tasymaldandy, bul ótken jylytý maýsymy deńgeıinen 3% - ǵa artyp otyr – dedi QR IIDM Kólik komıteti tóraǵasynyń orynbasary J.Taıjanov.
Oblystar bólinisinde kómir tıeý josparynyń oryndalýy:
100%-dan joǵary.;
- Aqmola, Aqtóbe, ShQO, Qaraǵandy, Qostanaı, BQO, Pavlodar, Túrkistan, Almaty q.;
90% - dan joǵary-Almaty, Soltústik Qazaqstan jáne Nur-Sultan;
80% - dan joǵary-Jambyl oblysy.
Sonymen qatar, búgingi kúni qazaqstandyq operatorlardyń teńgeriminde 58 myńnan astam jartylaı vagondar bar.
Qazirgi ýaqytta jylytý maýsymyna kómir tasymaldaý úshin barlyq menshik ıeleriniń 30 myńnan astam jartylaı vagondary iske qosyldy, onyń ishinde «Qaztemirtrans» AQ-nyń 14 myńǵa jýyq jartylaı vagondary (60%). 31.10.19-ǵa QTT jartylaı vagon parki 29 myńnan astam birlikti quraıdy – dep atap ótti spıker.
Jylý berý maýsymyna daıyndyq sheńberinde jartylaı vagondarǵa jóndeý júrgizildi: DEPovskaıa – 2 778 birlik, kúrdeli - 715 birlik.
Anyqtamalyq:
Júk parkiniń tozýy 44% - dy quraıdy, Nurly jol memlekettik baǵdarlamasy aıasynda 2 myńǵa jýyq jartylaı vagondar satyp alyndy
Kómir áleýmettik mańyzdy júk ekenin atap ótý qajet. Bekitilgen tarıfterge sáıkes kómir tasymaldaý shyǵyndary shıki munaı, munaı ónimderi, qara jáne tústi metaldar sııaqty basqa da joǵary tabysty júkterdi tasymaldaý tarıfteri esebinen óteledi. Sondaı-aq, QR-da kómir tasymaldaý tarıfteri TMD elderi arasynda tómen bolyp tabylatynyn atap ótkim keledi – dep jaýap berdi Jánibek Taıjanov BAQ ókilderiniń qoıǵan saýaldaryna.
2019-2020 jyldardaǵy jylytý maýsymynda halyqty jáne kommýnaldyq-turmystyq sektordy kómirdiń qajetti sanymen jáne sapasymen qamtamasyz etý boıynsha jumys Mınıstrliktiń jáne jergilikti atqarýshy organdardyń turaqty baqylaýynda.
QR IIDM Kólik komıtetiniń baspasóz qyzmeti
