Kaspıı mańy memleketteriniń úkimetteri arasynda Kaspıı teńizindegi teńiz kóligi salasyndaǵy yntymaqtastyq týraly besjaqty kelisim ázirlenýde
Kaspıı mańy memleketteri basshylarynyń 5-shi sammıti barysynda qol jetkizilgen ýaǵdalastyqtarǵa sáıkes qol qoıylǵan Kólik salasyndaǵy yntymaqtastyq týraly úkimetaralyq kelisimdi iske asyrý úshin taraptar Kaspıı teńizindegi teńiz kóligi salasyndaǵy yntymaqtastyq týraly besjaqty kelisimdi ázirleý boıynsha jumys júrgizýde.
Kelisim Kaspıı teńizindegi teńiz floty men porttardy tolyq jáne tıimdi paıdalanýdy qamtamasyz etý, sondaı-aq teńizde júzý qaýipsizdigin qamtamasyz etý, teńiz ortasyn qorǵaý, teńiz kóligi mamandaryn daıarlaý men biliktiligin arttyrýda tájirıbe almasý máseleleri boıynsha Kaspıı mańy memleketteriniń teńiz ákimshilikteriniń ózara tıimdi yntymaqtastyǵy men besjaqty ózara is-qımylyn uıymdastyrýǵa baǵyttalatyn bolady.
QR IIDM Kólik komıtetiniń baspasóz qyzmeti
