2019 jylǵy 1 qarasha kúni, saǵat 11:00 de Qazaqstan Respýblıkasy Mádenıet jáne sport mınıstrligi Til saıasaty komıteti men Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen «Latyn grafıkaly keńistiktegi jarnama saýattylyǵy» atty respýblıkalyq onlaın semınary ótedi.
Onlaın semınardyń maqsaty – orfografııalyq top músheleri tarapynan daıyndalǵan «Grafıkalyq keńistiktegi jarnama» nusqaýlyǵyn sarapshylar men ǵalymdar talqysyna usynyp, saraptamadan ótkizý. Bul eńbekte jarnama mátinderin jazýda jańa emle erejeleri men pýnktýaııa erejelerin durys ári saýatty qoldaný máseleleri qarastyrylǵan. Nusqaýlyqta syrtqy jarnama jáne baspasózdegi, ınternettegi, teledıdardaǵy jarnamalardan 1000-ǵa tarta derek jınalyp, taldanǵan.
Semınarǵa «Til-Qazyna» ulttyq ǵylymı-praktıkalyq ortalyǵynyń atqarýshy dırektory E.Tilesh jáne osy ortalyqtyń basqarma basshylary men qyzmetkerleri, sondaı-aq sarapshylar «Azattyq» radıosynyń redaktory A.Mamashuly, «Ulan» gazetiniń redaktory J.Ábdilda, A.Baıtursynuly atyndaǵy Til bilimi ınstıtýtynyń jetekshi ǵylymı qyzmetkeri, f.ǵ.k. A.Seıitbekova, Q.Jubanov atyndaǵy Aqtóbe óńirlik memlekettik ýnıversıtetiniń oqytýshysy, f.ǵ.k. B.Qaraǵulova, M.H.Dýlatı atyndaǵy Taraz memlekettik ýnıversıtetiniń oqytýshysy, f.ǵ.k. Z.Qulmanova jáne óńirlerdegi til ortalyqtarynyń basshylary men mamandary qatysady.
Ótetin orny: Nur-Sultan qalasy, Saýran kóshesi, 7a
Veb-saıt: www.tilalemi.kz,
www.qazlatyn.kz,
www.tilqazyna.kz,
El.poshta:bzhibek@mail.ru
Uıaly telefon: 8 701 782 787 1
