Jambyl oblysy boıynsha Qazaqstan stýdentter Alıansy respýblıkalyq stýdentter qozǵalysy oblys ákimdiginiń densaýlyq saqtaý basqarmasynyń áleýmettik tapsyrysy aıasynda óńirdegi aýrýhana, emhana, áleýmettik qyzmet kórsetý mekeme qyzmetkerleriniń qatysýymen pallıatıvti kómekti kórsetý boıynsha biliktiligin arttyrý semınar-trenıngi uıymdastyrdy. Eki kúnge sozylǵan semınar-trenıng nátıjesinde jastar qozǵalysynyń belsendi múshesi sanalatyn 30 stýdent pallıatıvti kómek kórsetý quziretine ıe boldy. Sáıkesinshe bul eriktiler tobyn Jambyl medıınalyq joǵary kolledji, «Taraz-Bolashaq» medıınalyq kolledji syndy oqý oryndarynda oqıtyn, kásiptik baǵdary bar jastardan quraýǵa basa mán berilgen.
Qazaqstan Respýblıkasy Prezıdentiniń Jarlyǵymen jarııalanǵan Eriktiler jylynda bul jastar kómektiń atalǵan túrin jolǵa qoıý baǵytynda jumys júrgizýdi josparlap otyr.
«Eriktiler jyly qarsańynda pallıatıvti kómek sharalaryn da jolǵa qoıýdy josparlap otyrmyz. Pallıatıvti kómek asa aýyr jaǵdaıda tósekke tanylǵan naýqastardy kútip-baptaýdy kózdeıdi. Bizdiń elimizde pallıatıvti kómekti eriktilikpen ushtastyrý jumystary endi-endi jolǵa qoıylǵan. Sáıkesinshe bizde óz tarapymyzdan bul jumystardy uıymdastyrýda «Qamqor» pallıatıvti kómek kórsetý ortalyǵymen memorandým jasadyq Eriktiler osy ortalyqta qyzmet etetin bilikti mamandardan dáris alady. Sodan soń jedel topqa qosylyp, ke muqtaja adamdarǵa kómek kórsetedi. Osy baǵytta 30 erikti jumys jasamaq. Bizdiń oblys úshin munyń ózi úlken jetistik sanalady», – deıdi oblys boıynsha Qazaqstan stýdentteriniń Alıansy jastar qoǵamdyq birlestiginiń tóraǵasy Qanybek Muratbaev.
Shyndyǵynda óńirdegi stýdentterdiń hal-ahýalyn basty nazarda ustaıtyn jastar qozǵalysynyń osynaý batyl bastamaǵa qadam jasaýy qýantady. Negizinen pallıatıvtik kómekti uıymdastyrýshy eriktiler derti asqynyp, tósekke tanylǵan emdelýshilerdiń somatıkalyq, psıhıkalyq jáne rýhanı jaǵdaıyn jasaýmen aınalysady. Máselen Qazaqstanda onkologııalyq aýrý saldarynan bolatyn ólim kórsetkishi tym joǵary. Bizdiń óńirde de obyr aýrýynan 1000- ǵa jýyq adam qaıtys bolady. Iaǵnı bul dertke shaldyqqan jandar respýblıkadaǵy hospıstik jáne pallıatıvtik kómek qajet etiletin negizgi aýdıtorııany quraýshylar bolyp tabylady.
«ADYRNA»
ulttyq portaly
