Memleket basshysy mádenıet jáne sport mınıstri Aqtoty Raıymqulovaǵa jańa álipbıdi jetildirýge qatysty tapsyrma berdi dep habarlaıdy Sputnik.
Qazaqstan prezıdenti Qasym-Jomart Toqaev latyn grafıkasyna negizdelgen jańa qazaq tili álipbıin jetildirýdi tapsyrdy. Bul týraly memleket basshysy twitter-degi paraqshasynda jazdy.
"Álipbıdi latyn qarpine kóshirý týraly tarıhı sheshimniń qabyldanǵanyna eki jylǵa jýyqtady. Biraq qarpimizde áli de olqylyqtar bar. Til mamandary jańa álipbıdi jetildirýi kerek", - deıdi prezıdent.
Toqaev osyǵan baılanysty mádenıet jáne sport mınıstri Aqtoty Raıymqulovaǵa tıisti tapsyrma bergenin atap ótti.
"Aldymyzda aýqymdy jumys tur", - dep jazdy ol.
Esterińizge sala keteıik, osy jyldyń aqpanynda sol kezdegi memleket basshysy, Elbasy Nursultan Nazarbaev latyn grafıkasyndaǵy qazaq álipbıiniń jańa nusqasyn bekitken bolatyn. Jarlyqpen myna jerde tanysýǵa bolady.
