Ukraina qauıpsızdık qyzmetı öz agentterı Qyrym köpırınıŋ tırekterıne mina qoiǧanyn jäne jarylǧyş qūrylǧylardyŋ bırı seisenbı künı taŋerteŋ ıske qosylǧanyn mälımdedı, dep habarlaidy "Adyrna" ūlttyq portaly.
Qyrym köpırındegı jaǧdaiǧa bailanysty jedel aqparat jariialaityn Telegram-arnada taŋerteŋ köpır arqyly qozǧalys toqtatylǧany habarlanǧan.
Resei bilıgı būl jaǧdaiǧa bailanysty äzırge eşqandai pıkır bıldırmedı.
Kündız Ukraina qauıpsızdık qyzmetı arnaiy operasiia aiasynda agentter bırneşe ai boiy Qyrym köpırınıŋ tırekterın minamen jasyryn türde jaraqtaǧanyn mälımdedı.
«Bügın, beibıt tūrǧyndar arasynda eşqandai qūrbansyz, taŋǧy saǧat 4:44-te alǧaşqy jarylǧyş qūrylǧy ıske qosyldy», – delıngen mälımdemede.
Vedomstvo basşysy Vasilii Maliuk:
«Būǧan deiın bız 2022 jäne 2023 jyldary Qyrym köpırıne ekı ret soqqy jasadyq. Sondyqtan bügın būl dästürdı su astynda jalǧastyrdyq», – dedı.
Maliuktıŋ aituynşa, reseilık äskeri küşter Qyrym köpırın öz äskerın qamtamasyz etuge arnalǧan «logistikalyq küre jol» retınde paidalanyp otyr.
