Käsıpker Tūrsynǧali Alagözovtyŋ qyzmetkerlerıne päter syilaǧan äreketı synaldy, dep habarlaidy "Adyrna" ūlttyq portaly.
Galanz Bottlers kompaniiasynyŋ iesı, käsıpker käsıporynnyŋ damuyna eleulı üles qosqan 100 otbasyna päter kıltın tabystady.
Qoǧam belsendısı ärı käsıpker Ahmetbek Nūrsila Alagözovtıŋ bastamasyn synǧa aldy. Onyŋ aituynşa, mūndai qaiyrymdylyq azamattardyŋ namysyn aiaqqa taptap, masyldyq psihologiiany qalyptastyrady.
«Tegın beru – bıreudı qorlau, mazaqtau. Adamdarǧa jaǧdai jasau kerek, olar özıne keregın öz eŋbegımen tapsyn. Balyq berme, qarmaq ber», – dedı Nūrsila.Nūrsila mysal retınde AQŞ-taǧy «Pruitt-Aigou» tūrǧyn üi keşenınıŋ täjıribesın keltırdı. Bastapqyda äleumettık maqsatpen salynǧan būl joba keiın masyldyq pen qylmystyŋ oşaǧyna ainalyp, aqyry sürılıp tynǧan bolatyn. Synşynyŋ aituynşa, Alagözovtıŋ būl äreketı – öz önımderı arqyly tapqan qarajattyŋ az bölıgın «itke süiek tastaǧandai» qaitaru ǧana. Ol «Maksi Chai» men syra önımderınıŋ densaulyqqa ziiany jönınde zertteu jürgızuge şaqyrdy.
«Ol Qazaqstandyqtardy Maksi Chai jäne syramen ulap tapqan aqşasynyŋ 1%-yn itke süiek laqtyrǧandai laqtyrdy. Halyq soǧan mäz», – dep jazdy Nūrsila äleumettık jelıde.Tūrsynǧali Alagözov 2024 jyly Şymkent syra zauytyn 8 mlrd teŋgege satyp alyp, oǧan 40 mln dollardan astam investisiia salǧan.
«Kelesı jyldyŋ ortasyna qarai bız aiyna 10 myŋ tonna syra öndırudı közdep otyrmyz. Qazırgı uaqytta bız syradan görı alkogolsız susyndardy köbırek şyǧaramyz, bıraq jaŋǧyrtudan keiın kölemderdı teŋestıretın bolamyz», – dep tüsındırdı Alagözov.Onyŋ Kursivke bergen sūhbatynda käsıporyn oǧan 400 mln teŋge kölemındegı salyq qaryzymen ötkenın aitty. Būl qaryz qazır ötelgen.
«Menıŋ basty mındetım – barlyǧyn retke keltıru boldy, öitkenı köptegen jabdyq eskırgen. Ärine, būrynǧy aksionerler de jūmys jasaǧan. Olarǧa rahmet – käsıporyndy saqtap qaldy. Bıraq bız ony zamanaui,Heineken men Carlsberg sekıldı halyqaralyq syra kompaniialarynyŋ standarttaryna säikes etıp özgertıp jatyrmyz», – dedı käsıpker.Sonymen qatar ol biyl ūn jäne makaron önımderın öndıretın JFood Kazakhstan kompaniiasyn (būrynǧy «Sesna-Astyq») 11 mlrd teŋgege satyp aldy.
Ūqsas jaŋalyqtar
