«Aq jol» partiiasy Auyl şaruaşylyǧy ministrlıgın auylda käsıp qylǧandarǧa subsidiia tölemegenı üşın sotqa bermek. Būl turaly Azat Peruaşev 2019-2021 jyldarǧa arnalǧan respublikalyq biudjetke tolyqtyrular men özgertuler engızudı talqylau barysynda aitty.
Öz sözınde ol biylǧy köktemde, iaǧni 13 nauryzda «Aq jol» fraksiiasynyŋ auyl şaruaşylyq öndıruşılerınıŋ subsidiia qaryzyn öteu mäselesın şeşudı sūraǧanyn aitty.
«Tolyqtyrylǧan biudjetten körıp otyrǧanymyzdai, būl mäsele älı de şeşılmegen syŋaily. 37 mlrd teŋge somasyndaǧy qaryz ötelmegen. Qarjy ministrlıgınıŋ tüsındıruınşe Auyl şaruaşylyq ministrlıgı jaŋa täsılderdı qoldanuǧa arnalǧan subsidiialaudyŋ tiımdılıgın eseptep beruı kerek eken.
Alaida būdan bırneşe jyl būryn subsidiialau baǧdarlamasy mekemearalyq kelıssözderden ötıp, onyŋ tiımdılıgı aldyn ala eseptelıp, sodan soŋ ǧana bekıtıldı emes pe?
Endı ne sebeptı bükıl Qazaqstan boiynşa jüzdegen-myŋdaǧan şarualar memleketke senım artyp, bar aqşalaryn salyp, nesie alǧanda (ol üşın barlyq biurokratiianyŋ tozaǧynan ötıp) – ne sebeptı memlekettık organdar ūiqydan endı oianǧandai bas tartyp otyr? Artyq ketsem keşırersızder, būl auyl şaruaşylyǧy ministrlıgınıŋ auyldy «laqtyrdy» degen sözı emes pe?!
Jūmyssyzdyqpen küreske baǧyttalǧan qarajat osynda jūmsaluy tiıs! Atauly äleumettık kömek aluşylardyŋ sany öskenın de osydan ızdeuımız kerek!
Auyl azamattaryn öndırıstık käsıpte qoldaudyŋ ornyna şeneunıkter bos jürgenderge kömek körsetıp älek.
Būl ekonomikalyq saiasat emes, «qisyq ainalardyŋ patşalyǧy»! Bızdıŋ fraksiia auyl şaruaşylyǧyn subsidiialauǧa qarajat böludı talap etedı», - dedı Peruaşev. Ol «Aq jol» partiiasynyŋ auyl käsıpkerlıgın qorǧau üşın sotqa baruǧa da daiyn ekenın atap körsettı.
Partiia jetekşısı tiısınşe şaǧymdy auyl şaruaşylyǧy ministrlıgıne daiarlap jatqanyn aitty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz