Irakta bılikke qarsy akııalar kezinde bir aptaǵa jetpeıtin ýaqyt ishinde 104 adam qaza taýyp, 6107 adam jaralanǵan. Bul týraly Irak ishki ister mınıstrligi habarlady. Mekemeniń baspasóz hatshysy Saad Maannyń aıtýynsha, zardap shekkenderdiń 1200-i – qaýipsizdik kúshteriniń qyzmetkerleri.
Maan qaza tapqandar arasynda qaýipsizdik kúshteriniń segiz qyzmetkeri bar dep aıtty. IIM baspasóz hatshysynyń málimetinshe, narazylar 51 qoǵamdyq ǵımarat pen saıası partııalardyń segiz shtab-páterin órtegen.
Qazannyń 1-i kúni bastalǵan jastar narazylyǵyna munaıǵa baı memlekettegi jemqorlyq, jumyssyzdyq pen qoǵamdyq qyzmet sapasynyń nasharlyǵy sebep boldy. El astanasy Baǵdat pen taǵy birneshe qalada qarsylyq akııasyna shyqqandar eldi jaılaǵan jemqorlyqty joıyp, úkimetti aýystyrýdy talap etti. Narazylyq sherýleriniń sońy qaqtyǵystarǵa ulasyp, qantógiske ákelgen.
"Azattyq" radıosy
