Almatyda jūbaiyn pyşaqtap öltırgen polisiia qyzmetkerıne qatysty tergeu jalǧasuda, dep habarlaidy “Adyrna” ūlttyq portaly.
Almaty qalalyq polisiia departamentınıŋ mälımetınşe, küdıktı būǧan deiın Almaty oblysy Polisiia departamentınde qyzmet atqarǧan. Alaida belgılı bır sebeptermen jūmystan şyǧarylǧan.
Qaiǧyly oqiǧa 30 säuır künı tüskı uaqytta Şūǧyla yqşamaudanyndaǧy köpqabatty üilerdıŋ bırınde bolǧan. Körşıler päterden şyqqan äieldıŋ kömek sūraǧan dauysyn estıp, dereu polisiiaǧa habar bergen.
Oqiǧa ornyna kelgen jedel tergeu toby 40 jastaǧy er adamnyŋ otbasylyq janjaldan keiın jūbaiyn pyşaqtap öltırgenın anyqtady. 34 jastaǧy äiel oqiǧa ornynda jan tapsyrǧan. Küdıktı keiın özıne de pyşaq jaraqatyn salyp, tamaǧyn kesıp jıbergen. Qansyraǧan ol dereu auruhanaǧa jetkızılıp, jansaqtau bölımıne jatqyzylǧan.
Aldyn ala mälımetterge säikes, küdıktı — Almaty oblysynyŋ jol-patruldık polisiia batalonynda qyzmet etken. Al qaza tapqan äiel — Ūzynaǧaş auylyndaǧy balabaqşa direktory bolǧan. Erlı-zaiyptylardyŋ artynda üş bala qaldy.
Oqiǧaǧa bailanysty resmi organdardan naqty tüsınıkteme berılmei otyr. Tergeu amaldary jalǧasuda.
Ūqsas jaŋalyqtar
