Otan qorǧauşy künı men Ūly Jeŋıstıŋ 80 jyldyǧy qarsaŋynda «AMANAT» partiiasynyŋ «Jastar Ruhy» jastar qanaty «Qaisar» äskeri-patriottyq oiyndaryn ūiymdastyrdy. Qaraǧandy oblysyndaǧy Spassk oqu-jattyǧu ortalyǧynda ötken ıs-şarada 300-den astam adam bas qosty. Olardyŋ arasynda «Jas sarbaz» ūiymynyŋ tärbielenuşılerı, «Äliiaşylar» qozǧalysyna qatysuşy qyzdar,bastauyş äskeri daiyndyq pänınıŋ mūǧalımderımen äskeri kafedralardyŋ ökılderı, sondai-aq elımızdıŋ barlyq öŋırınen kelgen 100 joǧary synyp oquşysy bar.
Äskeri-patriottyq oiyndardyŋ aşylu saltanatyna Mäjılıs Spikerı, «AMANAT» partiiasynyŋ Töraǧasy Erlan Qoşanov, Qaraǧandy oblysynyŋ äkımı Ermaǧanbet Bölekpaev, Parlament deputattary, Qorǧanys ministrlıgı men «Astana» öŋırlık qolbasşylyǧynyŋ basşylyǧy, qaruly küşter ardagerlerı, qoǧam ökılderı jäne özge de azamattar qatysty.
Öz sözınde Erlan Qoşanov 2022 jyly «AMANAT» partiiasynyŋ kezekten tys XXII Sezınde «Jastar Ruhy» jastar qanaty «Qaisar» äskeri-patriottyq oiyndaryn tūraqty türde ötkızu jönınde bastama kötergenın atap öttı. Būl bastamaǧa Memleket basşysy Qasym-Jomart Toqaev qoldau bıldırdı. Osy jyldar aralyǧynda«Qaisar» äskeri-patriottyq oiyndary tūraqty türde ötkızılıp, jai ǧana äskeri-sporttyq ıs-şara emes, naǧyz erlıktıŋ, patriotizmnıŋ, jauapkerşılık pen tärtıptıŋ mektebıne ainaldy. Jalpy, osy uaqyt ışınde jobaǧa 5 myŋǧa juyq ūl men qyz qatysty.
«Prezident aitqandai, bız ūrpaǧymyzǧa damyǧan ärı myqty memleket qaldyruymyz kerek.Ol üşın jastardy dūrys tärbieleu qajet. Būl ıste äsker erekşe röl atqarady. Bügınde Qazaqstannyŋ Qaruly Küşterı tek äskeri daiyndyqpen şektelmeidı. Kez kelgen tötenşe jaǧdai men tabiǧi apat oryn alsa, äskerımız bırınşı bolyp kömek qolyn sozady. Būl – Otan aldyndaǧy paryz ben halyq aldyndaǧy jauapkerşılıktıŋ şynaiy körınısı. Sızderdıŋ boilaryŋyzda da osyndai qaisar ruh pen otanşyldyqtyŋ bar ekenıne kämıl senemın!», – dedı ol.
Sondai-aq partiia Töraǧasy osy oiyndardyŋ Ūly Otan soǧysyndaǧy Jeŋıstıŋ 80 jyldyǧy qarsaŋynda ötkızıluınıŋ simvoldyq mänı zor ekenın jetkızdı. Sūrapyl soǧys jyldary 1,7 millionnan astam otandasymyz nemese respublika halqynyŋ ärbır törtınşı tūrǧyny maidanǧa attanyp,jartysyna juyǧy qaityp oralmady. Olardyŋ janqiiarlyq erlıgı men qaisarlyǧy ūrpaq jadynda jäne el tarihynda mäŋgı saqtalady. Jeŋıstıŋ 80 jyldyq mereitoiyna orai, elordada Qazaqstan armiiasynyŋ quaty men ūrpaqtar sabaqtastyǧyn aiqyndaityn auqymdy parad ötedı.
Jalpy, «Qaisar» oiyndary jas patriottardy tärbieleu ısınıŋ maŋyzdy bölıgıne ainaldy. Mūnda el jastary qaru-jaraqty dūrys qoldana bıludı üirenıp, küş-quaty men tözımın şyŋdap qana qoimai, komandalyq ruh qalyptastyruǧa jäne ärkez el müddesın qorǧauǧa daiyn boluǧa daǧdylanady. Osyndai qasietter är adamǧa kerek. Tıptı, kez kelgen salada qajet. Olar adam mınezın şyŋdap, alǧa qoiǧan maqsatqa jetuge jäne jauapkerşılıktı sezınuge üiretedı.
Erlan Qoşanov memleket saiasatyna säikes, äskeri qyzmetşılerdı qoldau jäne äskeri qyzmettıŋ bedelın arttyru mäselesıne erekşe män berıletının atap öttı. Bügınde Qazaqstan armiiasy jauyngerlık daiyndyqtyŋ joǧary deŋgeiın körsetıp, onyŋ äleuetı jyldan jylǧa artyp keledı. Memleket tarapynan äskeri qyzmetşılerge äleumettık qoldau körsetu şaralary ünemı küşeitılude. Sonyŋ bırı – äskerde azamattyq boryşty ötegennen keiın tegın joǧary bılım alu mümkındıgı. Qazırdıŋ özınde 4500-den astam jasazamat osy mümkındıktı paidalanyp ülgerdı.
Sonymen qatar «AMANAT» partiiasynyŋ bastamasymen äskeri-patriottyq tärbie turaly zaŋ jobasy äzırlendı. Qūjat azamattarǧa äskeri-patriottyq tärbie berudıŋ bırtūtas jüiesın qūruǧa jäne osy jūmysqa barlyq memlekettık ūiymdy belsendı tartuǧa baǧyttalǧan. Sondai-aq zaŋ jobasy bastauyş äskeri daiyndyq pänı mūǧalımderınıŋ märtebesın arttyrudy közdeidı. Bolaşaqta äskeri-patriottyq üiırmelerdıŋ tülekterı äskeri joǧary oqu oryndaryna tüsu jäne äskeri qyzmetke kelısımşart boiynşaornalasu kezınde jeŋıldıkterdı paidalana alady. Būǧan qosa, äskerge şaqyrylǧan jastarǧa qoldau körsetudıŋ qosymşa şaralary qarastyryluda. Atap aitqanda, jūmys oryndaryn saqtap qaludan bastap, oqu aqysyn öteu mındetınen bosatuǧa deiın közdelude.
Sondai-aq zaŋ jobasyna bastauyş äskeri daiyndyq pänı mūǧalımderınıŋ kiım kiiu tärtıbı turaly norma da engızıldı. Būl bastamany kezınde «Mūǧalım Talks» platformasy aiasynda petropavldyq bastauyş äskeri daiyndyq pänınıŋ mūǧalımı Darhan Qospanov kötergen bolatyn. «AMANAT» partiiasynyŋ deputattary būl ūsynysty qoldady.
Oiyndar ekı kün jalǧasady. Elımızdıŋ tükpır-tükpırınen kelgen jastar oq atu, äskeri estafeta, avtomatty şaşyp-jinau, ziiatkerlık saiystar men taktikalyq tapsyrmalar arqyly bılımın, küş-jıgerın, tözımdılıgın jäne jeŋıske degen talpynysyn tanytady. Biyl dästür men zamanaui tehnologiiany ūştastyruǧa erekşe nazar audaryldy. Baǧdarlamaǧa alǧaş ret ūlttyq sport türlerı men sifrlyq pänder engızıldı.
Äskeri-patriottyq oiyndar aiasynda oqu-jattyǧu ortalyǧynyŋ aumaǧynda Ūly Jeŋıstıŋ 80 jyldyǧyna arnalǧan körme ūiymdastyryldy. Būl qadam maidangerlerdıŋ erenerlıgın jastar qauymynyŋ esıne salyp, ūrpaq sabaqtastyǧynyŋ taǧy bır maŋyzdy simvolyna ainaldy.
