«Abzal dizidıŋ suymen pyşaq judy». Dana Jaqsykeldı Şerzattyŋ qazasyna bailanysty kuälık berdı

Taldyqorǧanda Şerzat Polattyŋ ısı boiynşa sot prosesı bügın tüsten keiın de jalǧasty. Būl joly ekınşı kuäger Dana Jaqsykeldı jauap bere bastady, dep habarlaidy «Adyrna» tılşısı. Dana Jaqsykeldı 2024 jyldyŋ qazan aiynyŋ 3-nen 4 qaraǧan künı ne bolǧanyn aityp berdı. «Bızdı 3-ı künı «Efereia» kafesıne Rafil şaqyrdy, bız qūrbym ekeumız sol jaqqa bardyq. Ol jaqta dastarhan jaiuuly tūrǧan bolatyn. Kafenıŋ aldyna Abzal, Nūrqiias, Rafil üşeuı tūrdy. Bız olarmen amandasyp kafenıŋ ışıne kırdık. Bız qūrbyz ekeumız bi alaŋyna şyqtyq, ol kezde balalar özderı qaldy. Sol kezde Nūrbol degen bala keldı, bıraq ol keiın ketıp qaldy. Tüngı 12-ge taman «Kafe jabylady» degen soŋ ol jerden şyqtyq. Bız qaitaiyq degende Nūrqiias «Qyzdardy aparyp tastaiyq» dep aitqan bolatyn. Mersedes kölıgıne Nūrqiias, men, Rafil, Elmira, Azamat jürgızuşı bolyp Şyŋǧys otyrdy. «Üige qaitamyz» degende «İä, qaitamyz» dedı. Bıraq jolda «Dükenge kıre salaiyq» dedı. Bızde sol sätte bızde temekı bıtıp qalǧan bolatyn, sonymen «Qamajai» dükenıne bardyq. Dükennıŋ aldynda bır top ūldar tūrǧan. Nūrqiiastar «Söilesıp qaitaiyq» dep maşinadan tüstı. Maşinadan tüskennen keiın 1-2 minuttan keiın dükennen temekı aluǧa kırgen bolatynbyz. Sol kezde bırınşı Elmira, sodan keiın men kırdım. Temekı sūradyq, bıraq bızge «Satpaimyz» dedı. Eŋ bırınşı men şyǧyp kettım, artymnan Elmira şyqty. Şyqqan kezde ereges bastalyp kettı. Sodan keiın men maşinanyŋ artyna kettım, Rafil qasymda tūrdy ǧoi deimın. Sosyn atys bastaldy. Sol kezde bızge qarai saqaldy boiy ūzyn ärı sūr kiımdegı jıgıt myltyqpen oq atty. Bır ret aspanǧa qarai atty, ekınşı ret bızge qarai atty», – dedı ol. «Olardyŋ bärı kölıkke bırge otyrdy. Sol kezde bırden alyp kelgenın körgen joqpyn. Kölık jürıp ketken kezde Abzal aldyŋǧy oryna tūrdy. Sol kezde myltyq aldyŋǧy sidenede tūrdy. Myltyqtan basqa eşteŋe körgen joqpyn. “777” dükenıne barǧan kezde Elmira dizi susynyn alyp şyqqan bolatyn. Ony ıştı me, joq pa, naqty bılmedım. Bıraq kapotqa qoidy. Sodan keiın Abzal menen kapotta tūrǧan dizidı sūrady. Ol eŋkeiıp, qolyn sürtıp tūrdy ǧoi deimın. Abzaldyŋ qolyna dizidı qūiyp jatqan kezde pyşaqtyŋ jüzın baiqadym. Pyşaqtyŋ jüzın ǧana kördım. Ne üşın juǧanyn bılmeimın, – dedı ol.