«Alatau Aqparat» mediaholdingınde zamanaui podkast studiiasynyŋ aşylu saltanaty öttı. Is-şaraǧa belgılı mediamenedjerler, telearnalar men BAQ basşylary, blogerler, iutiuberler men käsıpkerler, serıktes ūjym ökılderı qatysty.
Jobanyŋ basty maqsaty – dästürlı jäne jaŋa mediany ūştastyra otyryp, keŋ auditoriiaǧa ärtürlı formatta sapaly kontent ūsynyp, otandyq media salany damytuǧa üles qosu. Zamanaui tehnikalarmen jabdyqtalǧan būl alaŋ – şyǧarmaşylyq jobalarǧa serpın berıp, jas mamandardy daiarlauǧa, aqparat keŋıstıgınde jaŋa ideialardy jüzege asyruǧa mümkındık beredı.
Aşylu saltanatynda «Alatau Aqparat» mediaholdingınıŋ Bas direktory Erjan Qalymbaiūly «Studiiany qoǧamdaǧy özektı mäselelerdı talqylaityn, saraptamalyq pıkırler men ekskliuzivtı sūhbattar ūsynatyn mazmūndy alaŋǧa ainaldyrudy maqsat etıp otyrmyz. Podkasttar auditoriianyŋ aqparat tūtynu daǧdysyna sai äzırlenıp, aşyq, erkın ärı tartymdy formatta ūsynylady. Basty maqsat – aqparatty sapaly, senımdı, naqty ärı qyzyqty etu», – dedı.
Onyŋ sözınşe, atalǧan studiiany «Adyrna» aqparattyq agenttıgı bastaǧan bırıneşe serıktestermen bırlese jasaqtaǧan.
Öz kezıgınde belgılı media-menedjer, Qazaqstannyŋ eŋbek sıŋırgen qairatkerı Nūrjan Jalauqyzy eldegı mediaholdingter arasynda alǧaşqylardyŋ bırı bolyp podkast-studiia aşyp jatqan ärıptesterıne sättılık tıledı.
«Eldı eleŋ etkızer, köptıŋ köŋılınen şyǧatyn, tūşymdy oilar aitatyn, körermenı köp, taralymy keŋ joba bolsyn», – dedı ol.
«Habar» agenttıgı» AQ Almaty filialynyŋ direktory Serık Äbıkenūly baspasözdıŋ taǧdyry kürdelıleu bolyp tūrǧan osynau şaqta podkast-studiia aşu – öte qoldaityn dünie ekendıgın tılge tiek ettı.
«Būqaralyq aqparat qūraly zamannyŋ ürdısınen qalmauy kerek. Sol zamanmen bırge qatar qadam basamyz dep täuekel etıp bır ıs bastaǧan ekensızder, sättılık tıleimız. Osy şaǧyn studiiada ūlttyŋ sözın aitatyn, memlekettıŋ joǧyn joqtaityn ülken oilar aitylsyn», – dedı.
Tanymal jurnalist-pedagog, äl-Farabi atyndaǧy Qazaq Ūlttyq universitetı jurnalistika fakultetınıŋ dekany Qanat Äuesbai: «Qazır elımızde osy mediaholdingter instituty qarqyndy damyp keledı. Sol köştıŋ aldyŋǧy qatarynda jürgen «Alatau Aqparat»-ty keiıngı bır-ekı jyldyŋ kölemınde jaqsy jaǧynan estıp, körıp jürmız. Gazet endı tek oqytyp qana qoimai, osy podkast-studiia arqyly körsetedı, ärı tyŋdatady. Iаǧni bügınde köp aitylyp jürgen kross-mediaǧa «Alatau Aqparat» ta ılestı. Demek, tyŋdai almaityndar oqidy, oqi almaityndar köredı. Ozyq ta zamanaui trendterdıŋ bärın osy media-studiiadan köreiık!», – dedı.
Sonymen qatar, Arman Äubäkır, Aidos Jūqanūly, Bauyrjan Kärıpov, Erbol Azanbek, Erbol Seiılhan, Meiırjan Äuelhanūly, Aibar Oljaev pen Nūrlan Jūmahan syndy BAQ salasynyŋ maitalmandary öz oilaryn ortaǧa saldy.
Studiianyŋ aşylu räsımınen keiın qonaqtar mediaholding muzeiın aralap, Qazaqstan jurnalistikasy tarihynan syr şertetın jädıgerlermen tanysty.
Podkast studiiada tüsırıletın saraptamalyq pıkırler men ekskliuzivtı sūhbattar mediaholding qūramyna kıretın aqshamnews.kz, vecher.kz jäne alnews.kz aqparatyq resurstarynda, sonymen qatar, äleumettık jelılerınde de jariialanyp otyrady.
