Ereimentau audandyq auruhanasynyŋ jansaqtau bölımınde jatqan jasöspırımdı Pavlodar qalasyna sanitarlyq aviasiia arqyly jetkızu közdelıp otyr, dep habarlaidy "Adyrna" ūlttyq portaly.
Oblystyq densaulyq saqtau basqarmasynyŋ mälımetınşe, kölık apatynan zardap şekken qalǧan balalar üilerıne qaitarylǧan.
– Ereimentau audandyq auruhanasyna jatqyzylǧan balalardyŋ barlyǧy ata-analarymen üilerıne jıberıldı. Üş jasöspırımdı ata-ananyŋ bırı senımhat arqyly alyp kettı. Al jansaqtau bölımşesınde jatqan bır ǧana bala qaldy. Jaqyn arada ony Pavlodar oblysynyŋ sanitarlyq aviasiiasy jetkızedı dep kütılude, – delıngen basqarma habarlamasynda.
Eske salaiyq, 18 säuır künı Pavlodar-Astana baǧytyndaǧy jolda balalar mıngen Mercedes şaǧyn avtobusy audarylyp, jattyqtyruşy oqiǧa ornynda köz jūmǧan edı. Ol 1990 jyly tuǧan.
Avtobus salonynda 14-16 jas aralyǧyndaǧy 16 jasöspırım men jattyqtyruşy bolǧan. Olar Pavlodardan Astanaǧa futbol jarysyna bara jatqan. Jol-kölık apaty kezınde patruldık kölık avtobusty süiemeldemegenı belgılı boldy.
Oqiǧadan keiın jetı bala Ereimentau audandyq auruhanasyna jetkızılıp, bıreuı auyr halde jansaqtau bölımşesıne tüsken bolatyn.
