Pavlodarda besinshi qabattaǵy páterdiń terezesinen eki jasar bala qulap ketti. Qazir sábı jansaqtaý bóliminde jatyr, dep habarlaıdy "Adyrna" ulttyq portaly.
Qaıǵyly jaǵdaı búgin, 13 sáýir kúni oryn aldy. Bul týraly óńirlik bala quqyqtary jónindegi ýákil Sáýle Shákenova málimdedi.
"Búgin, 13 sáýirde Pavlodarda ul bala qonaqta bolǵan úıdiń besinshi qabatynan qulap ketti. Ol kóptegen jaraqattarmen aýyr hálde oblystyq balalar aýrýhanasynyń jansaqtaý bólimine jetkizildi. Bıyl bul – oblystaǵy balalardyń terezeden qulaýyna baılanysty tirkelgen alǵashqy oqıǵa", – dedi ombýdsmen.
Jasy eki jas 11 aı bolǵan balany jedel járdem kóligimen oblystyq balalar aýrýhanasyna jetkizgen.
"Balaǵa katatravma, jabyq bas-mı jaraqaty, mı shaıqalýy jáne mı soqqysy men basqa da jaraqattar dıagnozy qoıyldy. Qazirgi ýaqytta tolyq medıınalyq tekserý jalǵasyp jatyr", – dep habarlady aýrýhana ókilderi.
