Keshe Dýshanbe halyqaralyq áýejaıy Irannyń Varesh Airlines áýe kompanııasynyń jolaýshylar ushaǵy qoný kezinde ushý-qoný jolaǵynan shyǵyp ketken soń jumysyn alty saǵattan astam ýaqytqa toqtatty, dep habarlaıdy “Adyrna” ulttyq portaly ASIA-Plus portalyna siltep.
Qazirgi ýaqytta áýe aılaǵy qalypty rejımde jumys istep jatyr, dep habarlady Tájikstannyń Azamattyq avıaııa agenttigine silteme jasaǵan «Azııa-Plıýs» aqparat kózi.
Oqıǵa keshe, 10 sáýir kúni, dýshanbelik ýaqyt boıynsha 11:40-ta boldy.
Azamattyq avıaııa agenttiginiń málimetinshe, Tegeran – Dýshanbe baǵyty boıynsha ushyp kelgen Boeing 737-500 ushaǵy aýa raıynyń kúrt nasharlaýyna — kúshti burshaqqa baılanysty — qaýipsiz qona almaı, ushý-qoný jolaǵynan shyǵyp ketken. Ushaq joldan shyǵyp ketkendikten, basqa áýe kemeleriniń qonýy men ushýyna kedergi keltirip, nátıjesinde áýejaı ýaqytsha jabyldy. Barlyq reıster eldiń soltústigindegi Hýdjand áýejaıyna baǵyttaldy. Tek jergilikti ýaqytpen 19:00-de ushaqty turaqqa súırep aparǵannan keıin Dýshanbe áýejaıy tolyq jumysyn qaıta bastady.
Aldyn ala málimet boıynsha, oqıǵa saldarynan eshkim zardap shekken joq.
