Özbekstan prezidentı Şavkat Mirziiaev turizmdı damytu baǧytyndaǧy jūmysqa jauapty ministrlık ökılderı men bırqatar aimaqtyq äkımderdı (hokimderdı) synǧa aldy. Būl turaly memleket basşysynyŋ baspasöz hatşysy Şerzod Asadov mälımdedı, dep habarlaidy "Adyrna" ūlttyq portaly.
Prezidenttıŋ aituynşa, jergılıktı basşylar turizmnıŋ el ekonomikasyndaǧy maŋyzdy rölın tüsınbei otyr. Ol kapsula üiler keşenı tek Kitabta ǧana salynǧanyn mysal etıp keltırdı. Al mūndai keşender 35 audan men qalada salynuy tiıs bolǧan.
Sondai-aq, şeteldık turister jol sapasyna jiı şaǧymdanatyny aityldy. Osyǧan bailanysty «turistık şeŋberge» kıretın aimaqtardaǧy joldardy jöndeu tapsyryldy.
Mirziiaev turistık auyldardy damytu jūmystary üş jyl būryn bastalǧanymen, älı de bırqatar oblystarda baiau jürıp jatqanyn atap öttı. Mysaly, Taşkent oblysyndaǧy joba qaǧaz jüzınde qalsa, Qaşqadariia men Jyzaqta bır ǧana auyl ıske qosylǧan.
Aimaqtarda gastronomiialyq jäne qolöner turizmınıŋ damymauy saldarynan Jyzaq pen Surhandariia oblystary turizmnen $65 mln, Syrdariia – $30 mln eksporttyq tabysqa da jete almaǧan.
Prezident turistık oryndardan tüsetın tabystyŋ aşyq tırkelmei otyrǧanyna alaŋdauşylyq bıldırıp, tanymal nysandarda keluşılerdıŋ sanyn avtomatty türde esepteitın qūrylǧylar ornatudy tapsyrdy.
Sondai-aq, ol tarihi mūra nysandaryn qalpyna keltıru jūmystaryna jeke sektordy tartu qajettıgın aityp, būl baǧytqa qosymşa $4 mln grant qarastyrylatynyn jetkızdı.
Mirziiaev IýNESKO tızımıne engen Zarafşan–Qaraqūm dälızın tiımdı paidalanu boiynşa ūsynys bolmaǧanyn synap, būl baǧytta jaŋa bastamalar äzırleudı tapsyrdy.
Aita keteiık, 2024 jyly Özbekstan turizmınen tüsken tabys $3,5 mlrd-qa jetıp, şeteldık turister sany alǧaş ret 10 millionnan asqan. El bilıgı 2040 jylǧa qarai turizmnıŋ JIÖ-degı ülesın 7%-ǧa, al eksport kölemın $10 mlrd-qa jetkızudı josparlap otyr.
