Bügın Mäjılıs deputattary palatanyŋ plenarlyq otyrysynda jaŋa Salyq kodeksınıŋ jobasyn bırınşı oqylymda maqūldady, dep habarlaidy "Adyrna" ūlttyq portaly.
Salyq kodeksı jobasynda salyqtar men basqa da mındettı tölemder sany, sondai-aq salyqtyq jeŋıldıkterdı qysqartu qarastyrylǧan.
Banktık sektor üşın korporativtık tabys salyǧynyŋ stavkasy 25%, oiyn biznesı üşın – 25%, äleumettık sala üşın – 10%, öŋdeu önerkäsıbı üşın – 10%, auyl şaruaşylyǧy üşın – 3% bolady.
Negızgı stavka 20% deŋgeiınde qalady.
Qazırgı arnaiy salyq rejimderı özın-özı jūmyspen qamtuşylar üşın, qarapaiym deklarasiia negızınde jäne şarua nemese fermerlık şaruaşylyqtar üşın dep üşke qysqartylatyn bolady.
Jeke tūlǧalarǧa salyq salu bölıgınde bıregei jinaqtauşy zeinetaqy qorynan alynatyn zeinetaqy tölemderınen jeke tabys salyǧyn alyp tastau ūsynylady. Sondai-aq, respublikalyq biudjet turaly zaŋda belgılengen 30 AEK mölşerınde jalaqydan negızgı salyqtyq şegerım engızu qarastyrylǧan.
Sonymen qatar, baǧaly qaǧazdarmen jasalatyn operasiialardan jeke tūlǧalardyŋ tabystaryn salyq salu tärtıbı qaita qaralyp, 10 jyldan asqan avtokölıkterge salyq somasy 30%, 20 jyldan asqan kölıkterge 50% tömendetıluı ūsynylady.
