Búgin «Til-Qazyna» ulttyq ǵylymı-praktıkalyq ortalyǵynda 2025 jylǵa deıin qazaq álipbıin latyn grafıkasyna kezeń-kezeńimen kóshirýge arnalǵan is-sharalar josparyna sáıkes jańa álipbıdiń emle erejelerin úıretýge arnalǵan oqytý synyptary ashyldy.
Maqsaty – latynnegizdi jańa qazaq jazýynyń álipbıi men emle erejeleriniń qurylymyn, jańalyqtaryn, emle normalarynyń ǵylymı negizderin meńgergen, eresek aýdıtorııaǵa oqytyp, túsindire alatyn bilikti trenerler daıyndaýǵa múmkindik jasaý.
Oqytý synyptary kýrs ótkizýge qajetti quraldarmen, tehnıkalarmen jabdyqtalǵan. Dárishanalarda respýblıka boıynsha sonymen qatar sheteldegi ǵalymdar, ádiskerlermen baılanys ornatýǵa, onlaın semınar ótkizýge múmkindik bar. Semınar, kýrstardy jańa qazaq álipbıiniń emle erejesin ázirlegen ǵalymdar ótkizedi.
Sharada «Til-Qazyna» ortalyǵynyń bas dırektory Álibek Asqar kirispe sóz alyp, qazaq álipbıin latyn grafıkasyna kezeń-kezeńimen kóshirýge arnalǵan is-sharalar josparyna sáıkes atqarylyp jatqan jumystardy tanystyryp, jyly lebizin aıtty.
Sonymen qatar jazýshy, Memleket syılyǵynyń laýreaty, qoǵam qaıratkeri Tólen Ábdik, QR Parlamenti Májilisiniń depýtaty Fahrıddın Qarataev, QR Mádenıet jáne sport vıe-mınıstri Nurqısa Muratuly oqytý synyptarynyń sapaly, nátıjeli jumys jasaýyna senim bildirdi. Qazaqstan Respýblıkasy Mádenıet jáne sport mınıstrligi Til saıasaty komıteti tóraǵasynyń orynbasary Aınur Myrzabekova oqytý synyptaryn ashýdyń mańyzdylyǵyna toqtaldy: «Elbasynyń qazaq tilin jańa álipbıge kóshirýge baılanysty Jarlyǵynan keıin QR Premer-mınıstriniń ókimimen «Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónindegi issharalar jospary» bekitildi. Úkimet qaýlysymen «TIL-QAZYNA» ulttyq ǵylymı-praktıkalyq ortalyǵy» quryldy. Elimizdegi latyn álipbıin engizýge baılanysty jumystar osy mekeme arqyly júzege asyrylýda. Atap aıtqanda, Ulttyq komıssııa janynan qurylǵan jumys toptarynyń jumysyn úılestirý, latyn álipbıin engizýge baǵyttalǵan memlekettik tapsyrmalardy iske asyrý.
2019 jyl – «Ádisteme jyly». Jańa emle erejelerin oqytý boıynsha Nur-Sultan qalasynda 72 saǵattyq biliktilik arttyrý kýrstary, óńirlerde dárister men 12 saǵattyq semınarlar uıymdastyrylýda. «Til-Qazyna» ortalyǵynan bilim jetildirgen fılolog mamandar óz óńirinde til úıretý kýrstaryn jalǵastyrady. Atalǵan kýrs 2025 jylǵa deıin júrgiziletin bolady.
Jańa álipbıge kóshý barysynda biz oqytý sapasyna erekshe mán berýimiz qajet. Qazirgi kezeńde oqytýdyń qaı túri bolsyn jańa ınnovaııalyq tehnologııalarǵa qurylǵany jón. Osy retten kelgende, búgin ashylatyn oqý ǵımaraty osyndaı jańa talaptarmen jabdyqtalǵan.
Sonymen birge oqý ǵımaratyndaǵy tehnıkalyq qurylǵylar onlaın semınar ótkizýge de mol múmkindik beredi».
Sharaǵa zııaly qaýym ókilderinen akademık, Memleket syılyǵynyń laýreaty Seıit Qasqabasov, aqyn, Memleket syılyǵynyń laýreaty Aıt Nesipbek, jazýshy, Memleket syılyǵynyń laýreaty Aldan Smaıyl, professor Marat Ábsámetov, til janashyrlary Ahmetov Muhambedııa, Álpeıisova Kamal, qoǵam qaıratkeri Batyrshauly Saılaý qatysty.
