Bügın, 31 nauryzda Qazaqstan prezidentı Qasym-Jomart Toqaev pen Sloveniia basşysy Nataşa Pirs-Musar keŋeitılgen qūramda kelıssöz jürgızdı, dep habarlaidy «Adyrna» tılşısı Aqordanyŋ baspasöz qyzmetıne sılteme jasap.
Memleket basşysy sloven delegasiiasyna qūrmet körsetıp, Qazaqstannyŋ Europadaǧy uaqyt synynan ötken senımdı serıktesı Sloveniiamen özara tiımdı yntymaqtastyqty damytuǧa beiıl ekenın rastady.
– Sızdıŋ būl saparyŋyz ekı el arasyndaǧy özara yntymaqtastyqqa tyŋ serpın beru tūrǧysynan öte maŋyzdy. Jaŋa ǧana köptegen taqyrypty, onyŋ ışınde halyqaralyq ahualǧa bailanysty keibır näzık mäselelerdı talqylaǧan asa mazmūndy kezdesu ötkızdık. Bız ekıjaqty yqpaldastyqty damytuǧa niettı ekenımızdı quattadyq. Naqty nätijelerge qol jetkızu üşın bar küş-jıgerımızdı jūmsaimyz, – dedı Qazaqstan prezidentı.
Qasym-Jomart Toqaev ekıjaqty qarym-qatynastarǧa tyŋ serpın beretın baǧyttardy atap ötıp, Qazaqstanda Sloveniia biznesıne qolaily jaǧdai jasauǧa niettı ekenın jetkızdı. Būl üşın käsıpkerlık qyzmettı retteudıŋ aşyqtyǧyn qamtamasyz etu, investisiiany qorǧau men ekonomikany ärtaraptandyru közdelıp otyr.
Memleket basşysy Astanada ötetın Qazaqstan-Sloveniia biznes-forumyna erekşe män beretının jetkızıp, atalǧan jiyn ekı eldıŋ sauda-investisiialyq bailanysyn odan ärı keŋeitetınıne toqtaldy.
Öz kezegınde Nataşa Pirs-Musar Astanada qonaqjailyq körsetkenı üşın Qasym-Jomart Toqaevqa alǧys aitty.
– Būl sapar ekonomikalyq yntymaqtastyǧymyzdy tereŋdetuge septıgın tigızedı dep oilaimyn. Atalǧan maqsatty ekı el de qoldaidy. Būdan da joǧary jetıstıkterge jetetınımızge senımdımın. Oǧan bızdıŋ mol mümkındıgımız bar. Elderımız arasyndaǧy tauar ainalymy jyl saiyn artyp keledı. Özıŋız aitqandai, Sloveniianyŋ Qazaqstan ekonomikasyna salǧan investisiiasynyŋ kölemı 200 million dollarǧa jettı. Bıraq äleuetımız būdan da zor. Osy sebeptı Astanaǧa menımen bırge Sloveniianyŋ jetekşı 25 kompaniiasynan qūralǧan ülken biznes-delegasiia keldı. Men būǧan quanyştymyn, – dedı Sloveniia prezidentı.
