Mıanmada 28 naýryz kúni bolǵan 7,7 jáne 6,4 magnıtýdaly joıqyn jer silkinisterinen 1644 adam qaza taýyp, 3408 adam jaraqat aldy. Sondaı-aq, 139 adam habar-osharsyz ketkender qatarynda, dep habarlaıdy “Adyrna” ulttyq portaly BBC-ge silteme jasap.
Bılik ókilderiniń málimetinshe, qutqarý jumystary jalǵasýda, alaıda aftershoktar jaǵdaıdy qıyndatýda. Mamandar úıindilerdi arshý barysynda qaza tapqandar sany áli de kóbeıýi múmkin ekenin eskertti.
AQSh Geologııalyq qyzmetiniń (USGS) málimetinshe, alǵashqy jer silkinisi juma kúni jergilikti ýaqytpen 12:50-de Mıanmanyń ortalyq bóliginde, 10 shaqyrym tereńdikte tirkelgen. Ekinshi jerasty dúmpýi odan 12 mınýt ótken soń bolǵan.
Zilzalanyń epıentri eldegi ekinshi iri qala – 1,2 mıllıon halqy bar Mandalaıdan 16 km qashyqtyqtaǵy Sagaın eldi mekeniniń mańynda ornalasqan. Jerasty dúmpýleri kórshiles Taıland pen Qytaıda da sezildi.
Taıland bıligi Bangkok mýnııpalıtetinde 10 adamnyń qaza tapqanyn, 42 adamnyń jaralanǵanyn jáne 78 adamnyń iz-túzsiz joǵalǵanyn málimdedi.
Aıta keteıik, 28 naýryz kúni Mıanmada magnıtýdasy 7,9 bolatyn taǵy bir kúshti jer silkinisi tirkelgen edi.
