AQSh-ta áıgili amerıkalyq boksshy, aýyr salmaqtaǵy eki dúrkin álem chempıony jáne Olımpıada chempıony Djordj Forman 76 jasynda ómirden ótti, "Adyrna" ulttyq portaly TMZ portalyna silteme jasap.
"Bizdiń súıikti Djordj Edvard Forman-birinshiniń 2025 jyldyń 21 naýryzynda jaqyndarynyń ortasynda ómirden ótkeni týraly tereń kúızelispen habarlaımyz", – dep málimdedi boksshynyń týystary.
Djordj Forman 1968 jyly Mehıkoda ótken Olımpıada oıyndarynda altyn medal jeńip aldy. Osy jetisten keıin ol kásipqoı boksqa aýysyp, WBC, WBA jáne IBF nusqalary boıynsha aýyr salmaqta álem chempıony atandy.
Forman 1973 jyly Djo Freızerdi jeńip, alǵash ret álem chempıony atandy. Bir jyl ótken soń, "Djýnglıdegi gúrsil" dep atalǵan tarıhı jekpe-jekte Muhammed Álımen kezdesip, segizinshi raýndta nokaýtpen jeńilis tapty.
1977 jyly Forman bokstan ketip, afroamerıkalyq shirkeýde pastor boldy. Degenmen, 10 jyldyq úzilisten keıin, 1987 jyly rıngke qaıta oralyp, óziniń eń úlken jetistikteriniń birine qol jetkizdi.
1994 jyly, 45 jasynda, ol 26 jastaǵy Maıkl Mýrerdi jeńip, qaıtadan álem chempıony atandy. Osy jeńisimen Forman aýyr salmaqtaǵy eń qart álem chempıony retinde tarıhqa endi.
Boksshy 1997 jyly mansabyn túbegeıli aıaqtady, onyń rekordy – 76 jeńis (onyń 68-i nokaýtpen) jáne 5 jeńilis.
