AQSh prezıdenti Donald Tramp Bilim mınıstrligin taratý týraly jarlyqqa qol qoıdy. Rásim 20 naýryz kúni oqýshylar men muǵalimderdiń qatysýymen Aq úıde ótti, dep habarlaıdy «Adyrna» tilshisi BBC-ge silteme jasap.
Memleket basshysynyń aıtýynsha, bul sheshim bilim berý baǵdarlamalarynyń tıimdiligin arttyrady.
«Mınıstrlikti tezirek japqymyz keledi. Onyń bizge túk paıdasy joq», – dedi Tramp.
Al demokrattar Donald Tramptyń vedomstvony taratý týraly sheshimin jaýapsyz áreket dep atady.
Jarlyq boıynsha, bilim salasyn basqarý quzyreti shtattar men jergilikti ýákildik organdarǵa beriledi.
Buǵan deıin Tramp mınıstrlik jumys istegen 45 jylda bilim berýdiń sapaly úlgisin kórsete almaǵanyn málimdegen edi. Mekemeni tolyǵymen joıý úshin Kongrestiń maquldaýy qajet.
