Búgin Májilistiń jalpy otyrysynda Májilis depýtaty Qazybek Isa Memleket basshysynyń bastamasymen júzege asyrylyp jatqan saıası reformalardyń jáne el damýyndaǵy jańa ózgeristerdiń mańyzdylyǵyna toqtaldy.
Depýtattyń aıtýynsha, Prezıdent Qasym-Jomart Toqaevtyń bastamasymen júzege asqan reformalary úsh jyldyń ishinde el ómirine úlken serpin berdi. Ata zańǵa túzetýler engizildi, Parlamenttiń ókilettigi kúsheıdi, Konstıtýııalyq sot quryldy. Aýyl ákimderin saılaý júıesi jańaryp, halyqtyń senimi artty. Memleketke qaıtarylǵan zańsyz aktıvter quny 2 trıllıon teńgeden asty. Ol Ádiletti Qazaqstan qaǵıdatynyń negizgi tiregi – zań men tártip ekenin atap ótti.
«Ádiletti Qazaqstannyń bárine birdeı «Zań men tártip» qaǵıdaty bolmasa, bulardyń biri de bolmas edi. Dál osy prınıp Prezıdenttiń basty jeńisi dep bilemin. Ulttyq qordan balalar bolashaǵy úshin qarjy salýdy aldymen ózderiniń jeke baılyqtaryn kóbeıtýdi oılaǵan burynǵy bılik eshqashan bolýy múmkin emesteı kórsetetin. Al qazir bári de múmkin bolyp, ár balanyń esepshotyna alǵashqy salymdar túsip jatyr», – dedi Q.Isa.
Sonymen qatar depýtat ulttyq damýdyń negizi — ulttyq ıdeologııa ekenine nazar aýdardy. Memleket basshysynyń ishki saıasat tujyrymdamasyn jasaý jónindegi tapsyrmasy ulttyq ıdeologııanyń jańa kezeńi ekenin jetkizdi. Ulttyq biregeıliktiń negizi – memlekettik til ekenin eske saldy.
Qazybek Isa Konstıtýııaǵa engizilgen ózgeristerdiń ishinde «Jer men jer qoınaýy halyqqa tıesili» degen qaǵıdanyń tarıhı mańyzyn atap ótti.
Sondaı-aq depýtat jańadan qurylǵan Abaı, Ulytaý jáne Jetisý oblystarynyń damýǵa serpin bergenine mán berdi. Prezıdenttiń Torǵaı óńirin damytý bastamasy men Astanadan Arqalyq arqyly Transkaspıı dálizine shyǵatyn avtojol qurylysy týraly sheshimin qoldaıtynyn jetkizdi.
«Elimizdi Jańa dáýirge bastaıtyn salıqaly saıası reforma, ulttyq birlik pen yntymaq úshin bárimiz óz úlesimizdi qosýymyz kerek. Ol úshin Prezıdenttiń janynda antyna adal, isine myǵym azamattardyń toptasýy qajet», – dedi Q.Isa.
