Qaraǵandy oblysynda ógeı ákesi 15 jastaǵy qyzdy 38 jastaǵy er adamǵa májbúrli túrde turmysqa bermek bolǵan, dep habarlaıdy “Adyrna” ulttyq portaly.
NeMolchı.kz qorynyń málimetinshe, turmysqa shyqqannan keıin bes kún boıy zorlyq kórgen qyz júrek aýrýymen aýyratyn týǵan ákesine qashyp barǵan.
«Olar birden polıııaǵa aryz jazǵan, alaıda ádettegideı, aryz qabyldanbaǵan. Saraptamaǵa da jibermegen. Bizdiń oıymyzsha, ádeıi ýaqyt sozyp otyr. Biz aralasqannan keıin jáne ıývenaldy polıııanyń kómegimen qyzdy Qaraǵandyǵa saraptamaǵa jiberdi. Alaıda tergeýshi qujattardy durys rásimdemegendikten, qyzdy saraptamasyz keri qaıtardy. Bul taǵy da ýaqyt joǵaltýdy bildiredi»- dep málimdedi qor ókilderi.
Sonymen qatar, uıymnyń aıtýynsha, osy ýaqytta qyzdy bes kún boıy zorlady degen er adamnyń sybaılastary qyzdyń týǵan ákesiniń úıiniń mańynda torýyldap, ony qorqytyp-úrkitken.
Qaraǵandy oblysynyń polıııa departamenti 15 jastaǵy qyzǵa qatysty qylmystyq isti tergep jatqanyn málimdedi.
«Atalǵan qylmysqa qatysy bar barlyq adamdar anyqtalyp, jaýap alyndy. Tergeý aıasynda oqıǵanyń barlyq mán-jaıyn anyqtaý úshin qajetti sot saraptamalary taǵaıyndaldy. Qylmystyq-proestik kodekstiń 201-babyna sáıkes jáne tergeý múddesin eskere otyryp, ózge aqparat jarııalanbaıdy», – dep habarlady polıııa departamentiniń baspasóz qyzmeti.
