Bır aidan astam uaqytqa sozylatyn auqymdy festival Abai oblysynyŋ tūrǧyndaryn köktemgı merekelerdıŋ şattyq köŋıl-küiımen bırıktıredı.
14 nauryzdan bastap Abai oblysynda Nauryz meiramyna arnalǧan ırı mädeni joba – «ELDEN SÄLEM!» festivalı bastau aldy. Festival dästürdı, önerdı, halyq şyǧarmaşylyǧyn jäne ıskerlık bastamalardy toǧystyryp, bırlık pen ūlttyq jaŋǧyrudyŋ erekşe atmosferasyn qalyptastyrady.
Jobanyŋ sättı bastamasy – Nauryz meiramynyŋ bastauy sanalatyn Körısu künı merekesımen tūspa-tūs keldı. Aldaǧy bırneşe apta boiy mädeni baǧdarlama oblystyŋ barlyq audandary men qalalaryn qamtyp, şyǧarmaşylyq, täjıribe almasu jäne dostyq qarym-qatynas alaŋyna ainalady.
«Oblysymyzda mūndai şara alǧaş ret ötude. Basty maqsat – audandar arasyndaǧy yntymaqtastyqty nyǧaitu jäne täjıribe almasu», – deidı Abai oblysynyŋ mädeniet, tılderdı damytu jäne arhiv ısı basqarmasy basşysynyŋ orynbasary Tolqyn Berıkbekova.
Bügın festival aiasynda Jarma audanynda Besqaraǧai audanynyŋ mädeniet künı bastau aldy. Besqaraǧailyq önerpazdardy dästürge sai Körısu räsımımen qarsy aldy.
Al Kökpektı audanynan kelgen joba qatysuşylary özderınıŋ önerı men jetıstıkterın körsetu üşın Boroduliha audanyna attandy.
Şyǧarmaşylyq ūjymdardyŋ merekelık baǧdarlamasy, auylşaruaşylyq järmeŋkelerı, biznes jäne memlekettık qūrylym ökılderı arasyndaǧy ıskerlık kezdesuler – mūnyŋ bärın bır jobada avtorlar sättı üilestırıp, kürdelı ärı qyzyqty mındettı sättı oryndady.
Festivaldıŋ qorytyndysy boiynşa Abai Qūnanbaiūlynyŋ 180 jyldyǧyna arnalǧan auqymdy gala-konsert ötedı.«ELDEN SÄLEM!» festivalı Abai oblysy tūrǧyndary men barşa qazaqstandyqtar üşın biylǧy jyldyŋ eŋ este qalarlyq oqiǧalarynyŋ bırı bolatyny sözsız.
