Ulttyq kınony qoldaý ortalyǵy memlekettik qoldaýǵa úmitker kınojobalardy irikteýdiń birinshi kezeńine senarııler men senarıı josparlaryn qabyldaýdyń aıaqtalǵanyn habarlaıdy. Elektrondy túrde tirkelgen ótinimderdiń jalpy sany – 444.
«2025 jyly anımaııalyq, derekti jáne oıyn fılmderiniń ártúrli sanattary boıynsha birshama ótinim kelip tústi. Anımaııa salasynda 42 ótinim berilgen. Derekti-hronıkaly fılmder sanatynda 103 ótinim tústi. Oıyn fılmderine keletin bolsaq, 299 ótinim kelgen.
Qujattardy qabyldaý aıaqtalǵannan keıin Ortalyq ótinish berýshiler usynǵan qujattardy Saraptama keńesiniń qaraýyna engizedi. Senarıılerdi nemese senarıı josparlaryn Saraptama keńesiniń músheleri fılm túrleri boıynsha sekııalarda qarastyrady. Keńes quramy 20 jumys kúni ishinde basym taqyryptarǵa, sıýjettiń qurylymy men dramatýrgııa prınıpteri sekildi basty talaptarǵa nazar aýdaryp, ótinimderdi qarap shyǵady. Ekinshi kezeńde Saraptama keńesi usynǵan jobalardyń qujattar paketi jınaqtalady. Bul rette qate oryn alsa, ony túzeýge 3 kún ýaqyt beriledi», – dep habarlaıdy Kıno ortalyǵynyń baspasóz qyzmeti.
Aıta keteıik, bıyl konkýrstyń birinshi kezeńine qatysý úshin ótinim qabyldaý 5-13 naýryz (12 naýryz saǵat 23:59) aralyǵynda júrgizildi. Buǵan deıin qańtar aıynda kıno túsirýge arnalǵan basym taqyryptar jarııalandy. Sonymen qatar Kıno ortalyǵy janynan konsýltaııalyq qoldaý sharalary júrgizilýde. Kıno ortalyǵynyń keńsesinde jeke konsýltaııalar, telefon qońyraýlary arqyly suraqtarǵa jaýap berildi, áleýmettik jelide jańa erejege, konkýrsqa qatysty qajetti málimetter jarııalanyp keledi.
