11 naýryz kúni Almaty qalasyndaǵy Smart Point ortalyǵynda Qazaqstanda alǵash ret jasandy ıntellekt týraly qazaq tilinde jazylǵan «Jasandy ıntellekt álippesi» kitabynyń tusaýkeseri ótedi, dep habarlaıdy "Adyrna" ulttyq portaly.
Atalǵan shara aıasynda kitaptyń tanystyrylymy ótip, jasandy ıntellekt salasyndaǵy ózekti máseleler jan-jaqty talqylanady. Sonymen qatar, IT, kıberqaýipsizdik, bıotehnologııalar jáne jasandy ıntellekttiń bolashaǵy týraly pikir almasý alańy uıymdastyrylady.
Álemde jasandy ıntellekt qarqyndy damyp, kóptegen salaǵa áser etýde. 2024 jyly JI tehnologııalaryn qoldaný álemdik naryqta 190 mıllıard dollardan asty. Qazaqstan da bul úrdisten tys qalmaı, jasandy ıntellekt baǵytynda belsendi damyp keledi. JI-di qoldaný arqyly óndiris, medıına, bilim berý jáne qarjy salalarynda aıtarlyqtaı jetistikterge qol jetkizilip jatyr.
«Bul kitap – qazaq tilindegi jasandy ıntellekt álemine alǵashqy jolbasshy. Biz tehnologııalyq ózgerister dáýirinde ómir súrip jatyrmyz, sondyqtan jasandy ıntellekt negizderin bilý árbir azamat úshin mańyzdy. Kitapta tek teorııa ǵana emes, naqty tájirıbelik qoldaný múmkindikteri de qamtylǵan», – dedi kitaptyń avtory Meıirjan Áýelhanuly.
Kitap jasandy ıntellektke arnalǵan jańa baspadan shyǵaryldy.
AI-Hub tek qana jasandy ıntellekt tehnologııalaryn zertteýmen ǵana emes, osy saladaǵy bilim berýdi damytýǵa da úles qospaq. AI-Hub Publishing aldaǵy ýaqytta jasandy ıntellekt, IT, kıberqaýipsizdik jáne bıotehnologııalar taqyrybynda qazaq tilindegi ǵylymı-kópshilik kitaptardy basyp shyǵarýdy josparlap otyr.
