Búgin – túrkitanýshy, fılologııa ǵylymynyń doktory, professor, Ǵylym Akademııasynyń korrespondent múshesi, ǵylym qaıratkeri Shora Sarybaevtyń týǵanyna — 100 jyl.
Ol 1925 jyly 2 naýryzda Tashkentte dúnıege kelgen.
Onyń ákesi, Shamǵalı Haresuly Sarybaev, qazaq tili ádisnamasynyń negizin salýshylardyń biri bolǵan.
Shora Sarybaev QazMÝ-dy 1950 jyly bitirip, 1953 jyly aspırantýrasyn aıaqtaǵan. 1954-1995 jyldary A.Baıtursynuly atyndaǵy Til bilimi ınstıtýtynda Qazaq tili tarıhy men dıalektologııasy bóliminiń meńgerýshisi qyzmetin atqarǵan.
Shora Sarybaev qazaq tiliniń dıalektologııasy, leksıkologııasy, til mádenıeti, qazaq ádebı tiliniń tarıhy jáne qazaq-orys tildik baılanystary salasynda tereń zertteýler júrgizgen.
Ol qazaq tiliniń aýyzsha sóıleý mádenıetin zerttep, orys tilimen qarym-qatynasy nátıjesinde paıda bolǵan kirme sózderge taldaý jasady. Sonymen qatar, túrkologııa salasynda da aýqymdy jumystar atqaryp, qazaq tilin basqa túrki halyqtarynyń tilderimen salystyra otyryp zerttegen.
250-den astam ǵylymı maqalalary men oqýlyqtary, monografııalary jaryq kórgen.
“Qazaq tiliniń qysqasha etımologııalyq sózdigi”, “Qazaq tiliniń dıalektologııalyq sózdigi”, “Jańa ataýlar sózdigi” kitaptarynyń qurastyrýshylardyń biri. “Qazaqtyń aımaqtyq leksıkografııasy”,“Qazaq til biliminiń bıblıografııalyq kórsetkishi” atty 6 tomdyq eńbektiń jáne “Túrkitaný ádebıetiniń bıblıografııasynyń” avtory.
Shora Sarybaev 2018 jyly 93 jasynda ómirden ótti.
