Elimizdiń 16 óńirinde aýa raıyna baılanysty eskertý jarııalandy. Bul týraly «Qazgıdromet» RMK sınoptıkteri aıtty, dep habarlaıdy «Adyrna» tilshisi.
Qyzylorda oblysynyń soltústiginde, ortalyǵynda túnde qatty qar jaýyp, jaıaý burqasyn júredi dep kútiledi. Oblystyń ortalyǵynda, soltústiginde, shyǵysynda tuman, oblystyń ortalyǵynda, soltústiginde kóktaıǵaq bolady dep boljanady. Túnde oblystyń ortalyǵynda, soltústiginde soltústik-batystan soqqan jeldiń ekpini 15-20 m/s quraıdy. Qyzylordada azdap tuman bolady dep kútiledi.
Almaty oblysynyń batysynda, shyǵysynda ońtústik-batystan jel soǵady, ekpini - 17-22 m/s. Qonaevta ońtústik-batystan soqqan jeldiń ekpini 17-22 m/s quraıdy.
Túnde Aqtóbe oblysynyń ońtústiginde, shyǵysynda, kúndiz oblystyń soltústiginde, shyǵysynda qar jaýyp, jaıaý burqasyn júredi dep kútiledi. Oblystyń soltústiginde, shyǵysynda soltústik-batystan jel soǵady, ekpini - 15-20 m/s.
24-25 aqpanda Jetisý oblysynda ońtústik-shyǵystan jel soǵady, Alakól kólderi aýdanynda soqqan jeldiń ekpini 15-20, keı tusta 23-28 m/s deıin jetedi.
Túnde Aqmola oblysynyń batysynda, ońtústiginde qar jaýady, kúndiz oblystyń batysynda, ońtústiginde jaýyn-shashyn (jańbyr, qar) túsip, jaıaý burqasyn júredi, kóktaıǵaq bolady dep kútiledi. Oblystyń batysynda, soltústiginde, shyǵysynda tuman bolýy yqtımal. Oblystyń batysynda, ońtústiginde shyǵystan soqqan jeldiń ekpini 15-20 m/s quraıdy.
Atyraý oblysynyń ońtústiginde, shyǵysynda tuman túsedi dep kútiledi.
Túnde Jambyl oblysynyń taýly aýdandarynda jaýyn-shashyn (jańbyr, qar), kóktaıǵaq bolady, kúndiz oblystyń batysynda, ońtústiginde, taýly aýdandarynda jańbyr jaýady dep kútiledi. Túnde jáne tańerteń oblystyń soltústiginde, ońtústiginde, taýly aýdandarynda tuman túsýi yqtımal. Oblystyń ontústik-batysynda, soltústik-shyǵysynda, taýly aýdandarynda soltústik-shyǵystan ońtústik-batysqa oıysa soqqan jeldiń ekpini 15-20 m/s quraıdy. Tarazda túnde jáne tańerteń tuman bolady dep kútiledi.
Túnde Batys Qazaqstan oblysynyń basym bóliginde, kúndiz oblystyń batysynda, soltústiginde qar jaýady dep kútiledi. Oblystyń batysynda, soltústiginde, shyǵysynda jaıaý burqasyn júrip, tuman túsýi yqtımal. Oralda da qar jaýady, jaıaý burqasyn júredi, tuman túsedi dep kútiledi.
Shyǵys Qazaqstan oblysynyń soltústiginde, ońtústiginde, ortalyǵynda tuman bolady dep boljanady.
Ulytaý oblysynyń batysynda, soltústiginde, ońtústiginde jaıaý burqasyn júrip, jaýyn-shashyn (jańbyr, qar) kóktaıǵaq bolady dep kútiledi. Oblystyń batysynda, soltústiginde, ortalyǵynda tuman túsedi, oblystyń batysynda, soltústiginde, shyǵysynda shyǵystan, ońtústik-shyǵystan jel soǵady, ekpini - 15-18 m/s. Jezqazǵanda jaıaý burqasyn júrip, jaýyn-shashyn (jańbyr, qar), tuman, kóktaıǵaq bolady dep kútiledi. Shyǵystan, ońtústik-shyǵystan jel soǵady, tańerteń jáne kúndizgi ekpini - 18 m/s.
Kúndiz Qaraǵandy oblysynyń batysynda azdap jaýyn-shashyn (jańbyr, qar) túsedi, kóktaıǵaq bolady dep kútiledi. Oblystyń batysynda, soltústiginde keı ýaqyttarda tuman túsýi yqtımal.
Túnde Túrkistan oblysynyń soltústiginde, batysynda, taýly aýdandarynda jaýyn-shashyn (kóbinese jańbyr), kúndiz jańbyr, oblystyń ońtústiginde, taýly aýdandarynda qatty jańbyr jaýady, naızaǵaı oınaıdy dep kútiledi. Túnde oblystyń soltústiginde tuman túsip, oblystyń soltústiginde, ońtústiginde, taýly aýdandarynda ońtústik-batystan soltústik-batysqa oıysa soqqan jeldiń ekpini 15-20 m/s quraıdy. Shymkentte jańbyr, kúnniń ekinshi jartysynda qatty jańbyr jaýady dep kútiledi. Ońtústik-batystan soltústik-batysqa oıysa soqqan jeldiń ekpini - 15-20 m/s. Túrkistanda keı ýaqyttarda jańbyr jaýyp, ońtústik-batystan soltústik-batysqa oıysa soqqan jeldiń ekpini 15-20 m/s quraıdy.
Soltústik Qazaqstan oblysynyń ońtústik-batysynda jaıaý burqasyn júredi, túnde jáne tańerteń oblystyń ońtústiginde tuman túsedi dep kútiledi. Shyǵystan jel soǵady, oblystyń batysynda, ońtústiginde, soltústiginde soqqan jeldiń ekpini - 15-20 m/s. Petropavlda shyǵystan soqqan jeldiń ekpini 15-20 m/s quraıdy.
Túnde jáne tańerteń Pavlodar oblysynyń ońtústiginde, batysynda tuman túsedi dep kútiledi.
Mańǵystaý oblysynyń batysynda, soltústiginde, sondaı-aq ortalyǵynda da tuman, kóktaıǵaq bolady dep kútiledi.
Túnde Qostanaı oblysynyń batysynda, ońtústiginde burqasyn júrip, kúndiz jaýyn-shashyn (qar, jańbyr), bolady, oblystyń batysynda, soltústiginde qalyń qar jaýady, oblystyń ońtústiginde, shyǵysynda kóktaıǵaq, tuman bolady dep kútiledi. Oblystyń batysynda, soltústiginde, shyǵysynda soltústik-shyǵystan jel soǵady, ekpini - 15-20 m/s. Qostanaıdatańerteń jáne kúndiz qar jaýyp, kún raıy burqasyn bolady dep kútiledi. Soltústik-shyǵystan jel soǵady, ekpini - 15-20 m/s.
