AQŞ vise-prezidentı Djei Di Vens Amerika äskerın Ukrainaǧa jıberu mümkındıgın joqqa şyǧardy. Būl turaly ol 14 aqpan künı äleumettık jelıde jazdy, dep habarlaidy “Adyrna” ūlttyq portaly.
“Prezident Tramp - älemdegı eŋ ülken kelısım jasauşy jäne ol Ukrainadaǧy soǧysty toqtatu arqyly aimaqqa beibıtşılık äkeledı. Bız ärdaiym aitqanymyzdai, Amerika äskerlerı eşqaşan amerikalyq müddeler men qauıpsızdıkke üles qospaityn jerlerde qauıpke ūşyramauy tiıs. Būl soǧys Resei men Ukraina arasynda jürıp jatyr», – dedı Djei Di Vens.
Sonymen, Vens The Wall Street Journal (WSJ) basylymynda jariialanǧan sūhbatyn joqqa şyǧardy. Onda ol eger Resei Ukrainamen beibıt kelısım jasauǧa kelıspese, AQŞ Mäskeuge qarsy jaŋa sanksiialar engızıp, tıptı amerikalyq äskerdı Ukrainaǧa jıberuı mümkın ekendıgı aitylǧan edı. WSJ jurnalisterı Venstıŋ «Reseige qarsy ekonomikalyq jäne äskeri yqpal etu qūraldary bar» degen sözderın keltırgen.
«WSJ menıŋ sözderımdı osylai būrmalap jazǧany absurd, bıraq taŋqalarlyq emes, öitkenı olar jyldar boiy qajetsız türde amerikalyq äskerlerdı şetelge jıberudı qoldady», – dep jauap berdı Vens WSJ jariialaǧan maqalaǧda.
Amerikalyq vise-prezidenttıŋ aituynşa, AQŞ bilıgı Vladimir Putindı Resei ūrys dalasynan görı kelıssöz üstelınde köp närsege qol jetkıze alatynyna sendırudı közdep otyr. Vens sondai-aq beibıt kelıssözder sättı ötken jaǧdaida Vaşington men Mäskeu arasyndaǧy qarym-qatynas qaita qalpyna keluı mümkın ekenın aitty.
Saiasatker būǧan deiın AQŞ prezidentı Donald Tramp jariialaǧan Ukrainadaǧy qaqtyǧystardy toqtatu turaly josparlanǧan kelısım «köptegen adamdy taŋ qaldyrady» dep atap öttı. Sonymen bırge ol kelıssöz barysynda Tramptyŋ belgılı bır mäseleler boiynşa pıkırın özgertuı mümkın ekenın atap öttı.
Bır kün būryn Pentagon basşysy Pit Hegset Ukrainaǧa amerikalyq äskerdı ornalastyru mümkındıgın joqqa şyǧardy. Ol sondai-aq Ukrainany 2014 jylǧy şekaraǧa qaitaru şyndyqqa janaspaityn maqsat ekenın atap öttı.
