Japonııada qatty qarly boran saldarynan 1500-den astam jolaýshy áýejaıda túneýge májbúr boldy, dep habarlaıdy "Adyrna" ulttyq portaly.
11 aqpan kúni kúndiz Hokkaıdodaǵy eń iri áýejaı – Sın-Tıtose mańynda qatty jel soǵyp, qarly boran kúsheıgen. Sonyń saldarynan aýa raıy nasharlap, 118 reıs (onyń ishinde Tokıo men Osaka baǵyttary) toqtatyldy.
Reısterdiń toqtatylýyna baılanysty kóptegen jolaýshylar jyldam júretin poıyzdarǵa otyra almady, qonaqúı brondaýǵa múmkindigi bolmady. Sol sebepti 1650 adam túndi áýejaıda ótkizýge májbúr bolyp, tósenishterdi jaıyp, jerde uıyqtaǵan.
12 aqpan kúni tańerteń aýa raıy aıtarlyqtaı jaqsaryp, ushaqtar keste boıynsha usha bastaǵan.
